સોનિયા ગાંધી કોંગ્રેસ સંસદીય પક્ષના બન્યા અધ્યક્ષ

લોકસભા ચૂંટણી 2024ના પરિણામોએ કોંગ્રેસ પાર્ટીમાં નવો પ્રાણ ફૂંક્યો છે. પાર્ટીના નેતાઓથી લઈને કાર્યકરોમાં નવો ઉત્સાહ જોવા મળી રહ્યો છે. કોંગ્રેસ દ્વારા સતત બેઠકો ચાલી રહી છે. સોનિયા ગાંધી કોંગ્રેસ સંસદીય પક્ષ (CPP) પ્રમુખ તરીકે તેમનું પદ જાળવી રાખવા માટે તૈયાર છે,  શનિવારે (જૂન 08) સાંજે લોકસભા અને રાજ્યસભા બંનેના પક્ષના સાંસદોની બેઠકમાં નેતા તરીકે ફરીથી ચૂંટાયા હતા.

કોંગ્રેસ અધ્યક્ષ મલ્લિકાર્જુન ખડગેએ સોનિયા ગાંધીને સંસદીય દળના વડા તરીકે પસંદ કરવાનો પ્રસ્તાવ મૂક્યો હતો. તમામ સાંસદોએ સર્વાનુમતે આને મંજૂરી આપી હતી. આ પહેલા કોંગ્રેસ વર્કિંગ કમિટી (CWC)ની બેઠકમાં એક ઠરાવ પસાર કરવામાં આવ્યો હતો કે રાહુલ ગાંધીને લોકસભામાં વિપક્ષના નેતા તરીકે આગળ કરવામાં આવે.

સૂત્રોએ જણાવ્યું હતું કે, કોંગ્રેસે લોકસભામાં તેના નેતાનું નામ નક્કી કર્યા પછી, પાર્ટીના નેતા રાહુલ ગાંધીને મુખ્ય ભૂમિકા સોંપવાની માંગ ઉઠવા લાગી છે. હકીકતમાં, કોંગ્રેસ વર્કિંગ કમિટી (CWC)ની દિવસની બેઠકમાં એક ઠરાવ પસાર કરવામાં આવ્યો હતો કે રાહુલ ગાંધીને લોકસભામાં વિપક્ષના નેતા તરીકે આગળ કરવામાં આવે.