ભારતીય વાયુસેનાની પહેલી મહિલા પાઈલટ બની તનુષ્કા સિંહ

ભારતીય વાયુસેનાના ઇતિહાસમાં એક નવો અધ્યાય ઉમેરાયો છે. ફ્લાઈંગ ઓફિસર તનુષ્કા સિંહે જગુઆર ફાઈટર જેટ સ્ક્વોડ્રનમાં કાયમી તૈનાતી મેળવનારી પ્રથમ મહિલા પાયલટ બનીને ઇતિહાસ રચ્યો છે. આ ફક્ત તેમની વ્યક્તિગત સિદ્ધિ નથી પણ ભારતીય વાયુસેનામાં મહિલાઓની વધતી ભાગીદારીનો બીજો મોટો સંકેત પણ છે. મૂળ ઉત્તર પ્રદેશની તનુષ્કા 2007 થી મેંગલુરુમાં રહે છે. તેમણે સુરતકલની DPS MRPL સ્કૂલમાંથી શાળાકીય શિક્ષણ મેળવ્યું અને પછી મેંગલુરુની શારદા PU કોલેજમાંથી આગળ અભ્યાસ કર્યો.

2022 માં, તેમણે મણિપાલ ઇન્સ્ટિટ્યૂટ ઓફ ટેકનોલોજીમાંથી ઇલેક્ટ્રિકલ અને ઇલેક્ટ્રોનિક્સ એન્જિનિયરિંગમાં બી.ટેક ડિગ્રી પૂર્ણ કરી તમિલનાડુના ડુંડીગલમાં એરફોર્સ એકેડેમીમાં કઠોર તાલીમ લીધી, ત્યારબાદ તેમણે હોક MK 132 વિમાન પર વિશેષ તાલીમ મેળવી.