ઇમ્ફાલ એરપોર્ટ નજીક UFO દેખાયો, એરફોર્સે તેને શોધવા માટે 2 રાફેલ જેટ મોકલ્યા.

રવિવારે બપોરે મણિપુરના ઇમ્ફાલ ઇન્ટરનેશનલ એરપોર્ટ નજીક UFO જોવા મળ્યું હતું. સત્ય જાણવા માટે, ભારતીય વાયુસેનાએ તરત જ ઇમ્ફાલ એરપોર્ટ નજીક બે રાફેલ ફાઇટર પ્લેન રવાના કર્યા.

રવિવારે બપોરે 2:30 વાગ્યાની આસપાસ ઇમ્ફાલ એરપોર્ટ પર યુએફઓ જોવા મળ્યો હતો, જેના પગલે સામાન્ય ફ્લાઇટ સેવાઓ પ્રભાવિત થઈ હતી. સંરક્ષણ સૂત્રોએ સમાચાર એજન્સી ANIને જણાવ્યું હતું કે, "ઇમ્ફાલ એરપોર્ટ નજીક UFO વિશે માહિતી મળ્યા પછી તરત જ, નજીકના એરબેઝ પરથી એક રાફેલ ફાઇટર એરક્રાફ્ટને UFO શોધવા માટે મોકલવામાં આવ્યું હતું."

"અદ્યતન સેન્સરથી સજ્જ રાફેલ, યુએફઓ શોધવા માટે શંકાસ્પદ વિસ્તાર પર નીચા સ્તરે ઉડાન ભરી હતી, પરંતુ ત્યાં કશું મળ્યું નથી," તેમણે કહ્યું. તેમણે કહ્યું કે પહેલું વિમાન પરત ફર્યા બાદ બીજું રાફેલ વિમાન મોકલવામાં આવ્યું હતું. બંને એરક્રાફ્ટે યુએફઓ માટે શોધખોળ કરી, પરંતુ આસપાસમાં ક્યાંય યુએફઓ દેખાયો નહીં.