સમુદ્ર તટમાંથી પણ શોધી કાઢીશું..!, રક્ષા મંત્રી રાજનાથ સિંહે દરિયાઈ જહાજ પર ડ્રોન હુમલા પર આપી આકરી પ્રતિક્રિયા..!

હિંદ મહાસાગરમાં ભારતની તાકાત વધુ વધી છે. INS ઇમ્ફાલ ચીન અને પાકિસ્તાનને પડકારવા માટે તૈયાર છે. મંગળવારે નેવલ ડોકયાર્ડ, મુંબઈ ખાતે આયોજિત સમારોહમાં સ્વદેશી રીતે નિર્મિત સ્ટીલ્થ ગાઈડેડ મિસાઈલ ડિસ્ટ્રોયર INS ઈમ્ફાલને નૌકાદળના કાફલામાં સામેલ કરવામાં આવ્યું હતું. આ કાર્યક્રમમાં રક્ષા મંત્રી રાજનાથ સિંહ, મુખ્યમંત્રી એકનાથ શિંદે અને ભારતીય નૌકાદળના અધિકારીઓ હાજર રહ્યા હતા.

આ કાર્યક્રમમાં ભાગ લેતા રાજનાથ સિંહે કહ્યું, "આઈએનએસ ઈમ્ફાલની સૌથી મોટી તાકાત એ છે કે તે સંપૂર્ણપણે સ્વદેશી રીતે નિર્મિત યુદ્ધ જહાજ છે. આઈએનએસ ઈમ્ફાલ ભારતની નૌકાદળને વધુ શક્તિશાળી બનાવશે."

રાજનાથ સિંહે વધુમાં કહ્યું કે, આજકાલ સમુદ્રમાં ઉથલપાથલ ખૂબ વધી ગઈ છે, ભારતની વધતી શક્તિએ કેટલાક દેશોને ઈર્ષ્યા કરી છે. ભારતે અરબી અને લાલ સમુદ્રમાં જહાજો પર ડ્રોન હુમલાને ખૂબ ગંભીરતાથી લીધો છે. ભારતીય નૌકાદળે દરિયાની દેખરેખ વધારી દીધી છે. જેમણે ભારત વિરુદ્ધ કાર્યવાહી કરી છે તેમને સમુદ્રના તળિયેથી પણ શોધી કાઢીશું.

રાજનાથ સિંહે વધુમાં કહ્યું કે INS IMPHAL ભારતની વધતી જતી દરિયાઈ શક્તિ દર્શાવે છે. મને વિશ્વાસ છે કે INS IMPHAL ઇન્ડો-પેસિફિક પ્રદેશમાં “જલમેવ યસ્ય, બલમેવ તસ્ય”, એટલે કે ‘જેનું પાણી તેની તાકાત’ના અમારા સિદ્ધાંતને વધુ મજબૂત કરશે.