આપના સાંસદ રાઘવ ચઢ્ઢા આંખની સર્જરી માટે લંડનમાં, ચૂંટણી પ્રચારમાં ન દેખાતા અણબનાવના સમાચારો વહેતા થયા હતા

ચૂંટણી પ્રચારમાં AAP સાંસદ રાઘવ ચઢ્ઢાની ગેરહાજરી પર દિલ્હીના મંત્રી સૌરભ ભારદ્વાજે કહ્યું કે તેઓ આંખના ઓપરેશન માટે બ્રિટનમાં છે. ભારદ્વાજે કહ્યું કે રાઘવ આંખની સમસ્યા બાદ સારવાર માટે યુકે ગયા છે. મને કહેવામાં આવ્યું કે તે ખૂબ જ ગંભીર છે અને જો સમયસર સારવાર ન મળત તો આંખોની રોશની ગુમાવવાની શક્યતા હતી.

"તે ઝડપથી સ્વસ્થ થાય તેની હું કામના કરું છું અને જેમ જેમ તે સ્વસ્થ થઈ જશે, તેઓ ભારત પાછા આવશે અને પાર્ટીના પ્રચારમાં જોડાશે."આમ આદમી પાર્ટીના સૂત્રોના જણાવ્યા અનુસાર, રાઘવ ચઢ્ઢા આંખના 'રેટિનલ ડિટેચમેન્ટ'ને રોકવા માટે વિટ્રેક્ટોમી સર્જરી માટે બ્રિટન ગયા છે. 'રેટિનલ ડિટેચમેન્ટ' એ એવી સ્થિતિ છે જ્યાં આંખની પાછળની નાજુક પેશી તેની સામાન્ય સ્થિતિથી અલગ થઈ જાય છે, જેના કારણે દ્રષ્ટિ ગુમાવવી પડે છે. જો તેની સમયસર સારવાર ન કરવામાં આવે તો, આ નાના છિદ્રો ઝડપથી વધી શકે છે, જેના કારણે દ્રષ્ટિની ગંભીર ક્ષતિ અથવા અંધત્વ પણ થઈ શકે છે