Monsoon Update: કેરળમાં ચોમાસાની એન્ટ્રી, જાણો આ વર્ષે કેવો રહેશે વરસાદ

થોડા દિવસોના વિલંબ પછી આખરે ચોમાસાએ કેરળમાં એન્ટ્રી કરી છે. ભારતના હવામાન વિભાગના ડીજીવ મૃત્યુંજય મહાપાત્રાએ આ માહિતી આપી છે. છેલ્લા 5 વર્ષમાં 2017 અને 2018 (અનુક્રમે 30 અને 29 મે) સિવાય ચોમાસા હંમેશા થોડા દિવસોથી વિલંબિત રહે છે. વર્ષ 2020 માં તે 1 જૂનના રોજ હિટ કરવાનો અંદાજ હતો, પરંતુ તે 5 જૂનથી શરૂ થયો હતો. વર્ષ 2019 માં 6મી જૂનના રોજ આગાહી કરવામાં આવી હતી, પરંતુ તે 8મી જૂને શરૂ થઈ હતી અને 2016 માં તે એક દિવસથી 8મી જૂન સુધી મોડો પડ્યો હતો.

ભારત હવામાન વિભાગ (આઇએમડી)ના અહેવાલ મુજબ, દક્ષિણ પશ્ચિમ ચોમાસાની ઉત્તરી સીમા 5 ડિગ્રી ઉત્તર અને 72 ડિગ્રી પૂર્વ, 6 ડિગ્રી ઉત્તર અને 75 ડિગ્રી પૂર્વ, 8 ડિગ્રી ઉત્તર અને 80 ડિગ્રી પૂર્વ, 12 ડિગ્રી ઉત્તર થી પસાર થાય છે. ભારતના હવામાન વિભાગે જણાવ્યું છે કે, આગામી બે દિવસ દરમિયાન પૂર્વોત્તર રાજ્યોમાં અલગ-અલગ વરસાદની પ્રવૃત્તિ થવાની સંભાવના છે. જોકે, આઇએમડીએ જણાવ્યું હતું કે દેશના બાકીના ભાગોમાં હવામાન શુષ્ક રહેવાની સંભાવના છે.

આઇએમડી અનુસાર, આ વર્ષે જૂનથી સપ્ટેમ્બર દરમિયાન દક્ષિણ પશ્ચિમ ચોમાસામાં મોસમી વરસાદ સામાન્ય અને દેશભરમાં સારી રીતે વહેંચાય તેવી સંભાવના છે. એકંદરે, દેશભરમાં આ ચાર મહિના દરમિયાન પશ્ચિમ ચોમાસામાં મોસમી વરસાદ (લોંગ પીરિયડ એવરેજ (એલપીએ)નો 96 ટકાથી 104 ટકા) ખૂબ જ સામાન્ય રહેવાની સંભાવના છે.

આઇએમડીના નેશનલ સેન્ટર ફોર વેધર ફોરકાસ્ટિંગે કહ્યું છે કે, વરસાદ ઉત્તર પૂર્વી ભારતમાં સામાન્ય કરતા ઓછો રહેવાની સંભાવના છે, જ્યારે મધ્ય ભારતમાં તે સામાન્ય કરતા વધારે રહેવાની સંભાવના છે.