જાણીતા ન્યૂઝ એન્કર રોહિત સરદાનાનું કોરોનાથી નિધન, પત્રકાર જગતમાં શોકનો માહોલ

• કોરોના વાયરસના કારણે વરિષ્ઠ પત્રકાર રોહિત સરદાનાનું નિધન 

દેશના પ્રખ્યાત ન્યૂઝ એન્કર રોહિત સરદાનાની કોરોના વાયરસના કારણે મોત થઈ ગઈ છે. લાંબા સમય સુધી ZEE News સાથે તેઓ જોડાયેલા રહ્યા હતા અને તે બાદ આજતક સાથે તેઓ જોડાયેલા હતા. કોરોના વાયરસના કારણે તેમના નિધનના સમાચાર આવતા જ પત્રકાર જગતમાં શોકનો માહોલ છે. ઘણા લોકોને આ સમાચાર પર વિશ્વાસ પણ નથી આવી રહ્યો. 

લાંબા સમયથી ટીવી મીડિયાનો ચહેરો રહેલા રોહિત સરદાના હાલના સમયમાં ‘આજ તક’ ન્યૂઝ ચેનલ પર પ્રસારિત થનારા ‘દંગલ’નું એન્કરિંગ કરતા હતા. 2018માં જ સરદાનાને ગણેશ શંકર વિદ્યાર્થી પુરસ્કારથી સન્માનિત કરવામાં આવ્યા હતા.