અમેરિકન અવકાશયાત્રી સુનિતા વિલિયમ્સ  19 માર્ચે પૃથ્વી પર પરત ફરશે,સ્પેસ એક્સના રોકેટને લોન્ચ કરાયુ

ભારતીય મૂળના અમેરિકન અવકાશયાત્રી સુનિતા વિલિયમ્સ ચાર દિવસ પછી, એટલે કે 19 માર્ચે આંતરરાષ્ટ્રીય અવકાશ મથક (ISS)થી પૃથ્વી પર પાછા ફરશે. લાંબા અંતરાલ બાદ ઈલોન મસ્કની અવકાશ એજન્સી સ્પેસ એક્સના રોકેટ ફોલ્કન 9ને 14 માર્ચ, શુક્રવારે ભારતીય સમય મુજબ સાંજે 4:30 વાગ્યે લોન્ચ કરવામાં આવ્યું.

યુએસ સ્પેસ એજન્સી નાસાએ તેને ફ્લોરિડાના કેનેડી સ્પેસ સેન્ટરથી લોન્ચ કર્યું. આમાં, ક્રૂ ડ્રેગન કેપ્સ્યુલ સાથે જોડાયેલ ચાર સભ્યોની ટીમ ISS માટે રવાના થઈ. આ મિશનને ક્રૂ-10 નામ આપવામાં આવ્યું છે.સુનિતા અને તેના સાથી બચ વિલ્મોર નવ મહિનાથી ISS પર ફસાયેલા છે. તેમના અવકાશયાનમાં ટેક્નિકલ ખામી હતી, જેના કારણે તેમનું સમયસર પરત ફરવું શક્ય નહોતું.નવા ક્રૂમાં NASAના એન મેકક્લેન અને નિકોલ આયર્સ, જાપાની અવકાશ એજન્સી JAXAના ટાકુયા ઓનિશી અને રશિયન અવકાશ એજન્સી રોસકોસ્મોસના અવકાશયાત્રી કિરિલ પેસ્કોવનો સમાવેશ થાય છે.