પીઢ સ્ટોક ઇન્વેસ્ટર અને અબજોપતિ ઉદ્યોગપતિ રાકેશ ઝૂનઝૂનવાલા, જેમણે આકાશ એરલાઇન્સ શરૂ કરી, તેમનું રવિવારે 62 વર્ષની વયે નિધન થયું છે, તેમણે મુંબઈની બ્રીચ કેન્ડી હોસ્પિટલમાં અંતિમ શ્વાસ લીધા. વડાપ્રધાન નરેન્દ્ર મોદીએ ટ્વિટ કરીને તેમના નિધન પર શ્રદ્ધાંજલિ આપી છે.
રાકેશ ઝૂનઝૂનવાલા અદમ્ય હતા. જીવનથી ભરપૂર, વિનોદી અને સમજદાર, તે નાણાકીય જગતમાં અમૂલ્ય યોગદાન છોડીને ગયા છે. તેઓ ભારતની પ્રગતિ માટે પણ ખૂબ જ ઉત્સાહી હતા. તેમનું નિધન દુઃખદ છે. તેમના પરિવાર અને પ્રશંસકો પ્રત્યે મારી સંવેદના. ઓમ શાંતિ.
https://twitter.com/narendramodi/status/1558665063770505216?cxt=HHwWgIDSncHnvqErAAAA
પીએમ મોદીએ એક ફોટો ટ્વીટ કરીને કહ્યું, ‘રાકેશ ઝૂનઝૂનવાલા અદમ્ય હતા. જીવનથી ભરપૂર, રમુજી અને વ્યવહારુ. તેઓ આર્થિક જગતમાં અમૂલ્ય યોગદાન છોડી ગયા છે. તેઓ ભારતની પ્રગતિ માટે પણ ખૂબ જ ઉત્સાહી હતા. તેમનું નિધન દુઃખદ છે. તેમના પરિવાર અને ચાહકો પ્રત્યે મારી સંવેદના. શાંતિ.’
ઉત્તર પ્રદેશના મુખ્યમંત્રી યોગી આદિત્યનાથે પણ રાકેશ ઝૂનઝૂનવાલાના નિધન પર શોક વ્યક્ત કર્યો છે. તેમણે કહ્યું, ‘પ્રખ્યાત ઉદ્યોગપતિ શ્રી રાકેશ ઝૂનઝૂનવાલાજીનું નિધન અત્યંત દુઃખદ છે. ભગવાન શ્રી રામ દિવંગત આત્માને તેમના ચરણોમાં સ્થાન આપે અને શોકગ્રસ્ત પરિવારના સભ્યોને આ ભયંકર નુકસાન સહન કરવાની શક્તિ આપે તેવી પ્રાર્થના. શાંતિ!’
ઝૂનઝૂનવાલાને ઘણા લોકો દ્વારા પ્રશ્ન કરવામાં આવ્યો હતો કે જ્યારે ઉડ્ડયન સારી રીતે ચાલી રહ્યું ન હતું ત્યારે તેણે એરલાઇન શરૂ કરવાની યોજના કેમ બનાવી, જેના જવાબમાં તેણે કહ્યું, ‘હું કહું છું કે હું નિષ્ફળતા માટે તૈયાર છું’. તેઓ ભારતના શેરબજાર વિશે હંમેશા ઉત્સાહિત હતા અને તેમણે ખરીદેલા મોટાભાગના શેરો મલ્ટિબેગર્સમાં ફેરવાઈ ગયા હતા.
