રાજકોટ : ગોંડલની ગંગોત્રી ઇન્ટરનેશનલ સ્કૂલમાં IIMUN એજ્યુકેશનલ ઇવેન્ટ યોજાયો, ફોર્મર ઇન્ડિયન એમ્બેસેડર રહ્યા ઉપસ્થિત...

• ગોંડલ શહેર સ્થિત ગંગોત્રી ઇન્ટરનેશનલ સ્કૂલ ખાતે આયોજન

• IIMUN રાજકોટ-ચેપ્ટર 2025 અંતર્ગત ભવ્ય સેમિનાર યોજાયો

• શાળામાં ત્રિદિવસીય એજ્યુકેશનલ ઇવેન્ટનું આયોજન કરાયું

• ફોર્મર ઇન્ડિયન એમ્બેસેડર દિપક વોરા રહ્યા વિશેષ ઉપસ્થિત

• બાળકોને ભવિષ્યમાં સજ્જ થવા પ્રેરણાદાયક ઉદબોધન અપાયું 

રાજકોટ જિલ્લાના ગોંડલ શહેર સ્થિત ગંગોત્રી ઇન્ટરનેશનલ સ્કૂલ ખાતે IIMUN રાજકોટ-ચેપ્ટર 2025 અંતર્ગત ફોર્મર ઇન્ડિયન એમ્બેસેડર દિપક વોરાના અધ્યક્ષસ્થાને ત્રિદિવસીય એજ્યુકેશનલ ઇવેન્ટનું ભવ્ય આયોજન કરવામાં આવ્યું હતું.

રાજકોટ જિલ્લાના ગોંડલ શહેરમાં કાર્યરત ગંગોત્રી ઇન્ટરનેશનલ સ્કૂલ 21મી સદી સાથે તાલ મિલાવતા પ્રેક્ટીકલ બેઝ લર્નિંગને મહત્વ આપતી રહે છે. બાળકોને માત્ર પુસ્તકિયું જ્ઞાન નહીં,  પરંતુ ટેક્સટ્બુકમાં આવતા કોન્સેપ્ટને પ્રેક્ટિકલ લાઈફમાં ઈમ્પ્લીમેન્ટ કરવા બાબતે સંપૂર્ણ ધ્યાન આપવામાં આવે છે. આવા ઉમદા હેતુસર ગંગોત્રી ઇન્ટરનેશનલ સ્કૂલમાં IIMUN રાજકોટ-ચેપ્ટર 2025 અંતર્ગત ગત તા. 5 સપ્ટેમ્બર-2025થી 7મી સપ્ટેમ્બર-2025 સુધી ત્રિદિવસીય એજ્યુકેશનલ ઇવેન્ટ યોજાયો હતો. જેમાં પ્રથમ દિવસે ઓપનિંગ સેરેમની રાખવામાં આવી હતી.

જેમાં ફોર્મર ઇન્ડિયન એમ્બેસેડર દિપક વોરા, ગંગોત્રી ઇન્ટરનેશનલ સ્કૂલના ફાઉન્ડર અને ચેરમેન સંદીપ છોટાળા, કેમ્પસ ડાયરેક્ટર દિપેન છોટાળા, પ્રિન્સિપાલ દેવયાની ઝાલા, વાઇસ પ્રિન્સિપાલ પારસ શર્મા સહિત સમગ્ર મેનેજમેન્ટ ટીમ ઉપસ્થિત રહી હતી. દીપ પ્રાગટ્ય તેમજ વિદ્યાર્થીનીઓ દ્વારા  રજૂ કરાયેલ ભરતનાટ્યમ થકી ઓપનિંગ સેરેમની થઈ હતી. આ પ્રસંગે દિપક વોરા દ્વારા બાળકોને આવનારા ભવિષ્ય માટે સજ્જ થવાની પ્રેરણાદાયક ઉદબોધન પ્રેઝન્ટેશન સાથે કરવામાં આવ્યું હતું.

ફાઉન્ડર સંદીપ છોટાળા દ્વારા ઓપનિંગ સેરેમનીમાં હાજર મહાનુભાવોનો આભાર વ્યક્ત કર્યો તેમજ બધા પાર્ટિસિપન્ટને ઇવેન્ટ માટે શુભેચ્છાઓ આપવામાં આવી, જ્યારે દ્વિતીય દિવસે પણ આ કાર્યક્રમ ખૂબ જ રસપ્રદ રહ્યો હતો. આ ઇવેન્ટમાં ગુજરાત લેજિસ્લેટિવ એસેમ્બલી, લોકસભા, UNCSW, ઈન્ફ્લુએન્સર સમિટ, IPL, ICIJ જેવી  8 કમિટી બનાવવામાં આવી હતી. બીજા દિવસના અંતે ગંગોત્રી ઇન્ટરનેશનલ સ્કૂલના ઓડિટોરિયમમાં મ્યુઝિકલ લાઈવ કોન્સર્ટ યોજાયો હતો. તો બીજી તરફ, ત્રીજા દિવસે સવારે સૌ પ્રતિસ્પર્ધી વિદ્યાર્થીઓ યોગા અને મેડીટેશન કરીને 8 કમિટી શરૂ કરવામાં આવી હતી.

આ 8 કમિટીના 2-2 સેશનની ક્લોઝિંગ સેરેમનીમાં એસપી વિજયસિંહ ગુર્જર, DCP જગદીશ ભાંગરવા, PI એ.ડી.પરમાર સહિત પાર્ટિસિપેન્ટ્સ, શિક્ષકો તેમજ ગંગોત્રી ઈન્ટરનેશનલ સ્કૂલની સમગ્ર મેનેજમેન્ટ ટીમ જોડાય હતી. 8 કમિટી અને દરેક કમિટીમાંથી 3 રેન્ક એમ કુલ મળીને 24 વિજેતાઓ જાહેર કરવામાં આવ્યા હતા.

જેમાંથી ગંગોત્રી ઇન્ટરનેશનલ સ્કૂલના 16 વિદ્યાર્થીઓ રહ્યા હતા, જ્યાં મહાનુભવોના હસ્તે તમામ વિજેતાઓને ઇનામ આપી પ્રોત્સાહિત કરવામાં આવ્યા હતા. આ અવસરે IIMUNના સિનિયર ડાયરેક્ટર યથાર્થ ભારદ્વાજ દ્વારા ગંગોત્રી ઇન્ટરનેશનલ સ્કૂલને બેસ્ટ ડેલિગેટ જાહેર કરી ટ્રોફી એનાયત કરવામાં આવી હતી.