બજારમાંથી ખરીદવાને બદલે આ વખતે ઘરે બનાવો મીઠી અને રસદાર બૂંદી, ટેસ્ટમાં છે બેસ્ટ

તમે મીઠી અને રસદાર બૂંદી તો ખાધી જ હશે. બુંદીનો ઉપયોગ મીઠાઈ બનાવવામાં તો થાય જ છે, સાથે જ ઘણીઆર ભગવાનના પ્રસાદ તરીકે પણ બૂંદી અર્પણ કરવામાં આવે છે. તમે ઘણીવાર બજારમાંથી મીઠી બૂંદી ખરીદતા હશો. પરંતુ શું તમે ક્યારેય મીઠી બૂંદી ઘરે બનાવવાનો પ્રયાસ કર્યો છે? જો નહીં તો, આજે અમે તમારા માટે મીઠી બૂંદીની રેસિપી લઇ આવ્યા છીએ. જેના દ્વારા તમે સરળતાથી ઘરે બૂંદી બનાવી શકો છો.

બુંદી બનાવવાની સામગ્રી :

§ 1.5 કપ ચણાનો લોટ

§ જરૂર મુજબ પાણી

§ તેલ

§ ચપટી ખાવાનો સોડા

§ 1 ચમચી ઘી

§ 1.5 કપ ખાંડ

§ 2 લીલી એલચી

§ 3-4 કેસરના દોરા

§ 2-3 ટીપાં ફૂડ કલર

બૂંદી બનાવવાની રીત :

§ મીઠી અને રસદાર બૂંદી બનાવવા માટે સૌથી પહેલા તેની ચાસણી તૈયાર કરો. એક કડાઈમાં પાણી રેડો અને તેને ઉકળવા દો.

§ પાણી ઉકળવા લાગે પછી તેમાં ખાંડ, એલચીનો ભૂકો અને કેસર નાખીને મિક્સ કરો. જ્યારે ખાંડ સંપૂર્ણપણે ઓગળી જાય, ત્યારે તેને ધીમી આંચ પર રાખો.

§ બૂંદીની ચાસણી ગુલાબ જાંબુ જેવી જ હોવી જોઈએ. તમારી આંગળીમાં ખાંડની ચાસણી લો અને તેને ખેંચવાનો પ્રયાસ કરો. જો દોરો દેખાય છે, તો ખાંડની ચાસણી તૈયાર છે.

§ આ પછી બૂંદી બનાવવાની તૈયારી કરો. એક મોટા બાઉલમાં ચાળેલા ચણાનો લોટ લો. આ પછી તેમાં બેકિંગ સોડા અને એક ચપટી મીઠું નાખીને બરાબર મિક્સ કરી લો.

§ હવે બાઉલમાં થોડું-થોડું પાણી ઉમેરો અને એક દિશામાં મિક્સ કરો. સારી સુસંગતતા બનાવવા માટે તેને 15 મિનિટ સુધી હલાવો. ધ્યાન રાખો કે બેટર બહુ પાતળું ન હોવું જોઈએ અને વધારે જાડું ન હોવું જોઈએ. આ પછી તેમાં ફૂડ કલરનાં 2-3 ટીપાં ઉમેરો અને તેને ફરીથી મિક્સ કરો.

§ હવે તળવા માટે એક પેનમાં તેલ ગરમ કરો. જો તમારી પાસે બૂંદી બનાવવા માટે રસોડામાં સાધન નથી, તો તમે ગ્રેટરનો ઉપયોગ કરી શકો છો.

§ જ્યારે તેલ ગરમ થઈ જાય, ત્યારે તેની ઉપર ગ્રેટર મૂકો અને એક ચમચાની મદદથી ગ્રેટર પર ચણાના લોટના બેટરને રેડો અને તેને થોડું હલાવો. આ રીતે તે ટીપાની જેમ તેલમાં પડી જશે. એ જ રીતે બધા જ બેટરમાંથી બૂંદી બનાવીને સારી રીતે તળી લો.

§ જ્યારે બૂંદી સોનેરી થઈ જાય, ત્યારે તેને ખાંડની ચાસણીમાં નાંખો અને 20 મિનિટ માટે રહેવા દો. તમારી રસદાર અને મીઠી બૂંદી તૈયાર છે. તેને પ્રસાદ તરીકે રાખો અને અર્પણ કરો.