નાસ્તા માટે ઘરે બનાવો સ્વાદિસ્ટ ખીચુ, આ રહી સરળ ટીપ્સ

ભારતમાં અલગ - અલગ રાજ્યની વિશેષ વાનગીઓ હોય છે.

જે રાજ્યની ઓળખ પણ બને છે. ત્યારે ગુજરાતનું ફેમસ ખીચું નાના બાળકોથી લઈને વૃદ્ધ વ્યક્તિઓ બધાને પસંદ આવતું હોય છે. ત્યારે ખીચું તમે સરળ રીતે ઘરે બનાવી શકો છો.

ગુજરાતમાં ચોખા, ઘઉં, મકાઈ, બાજરી સહિતના લોટનું ખીચું બનાવવામાં આવે છે. ત્યારે ચોખાનું ખીચું બનાવવા માટે ચોખાનો લોટ, લીલા મરચા, કોથમીર, અજમો, જીરું, મીઠું, ખાવાના સોડા, અથણાનો મસાલો, તેલ સહિતની સામગ્રીની જરુર પડશે.

ખીચું બનાવવા માટે સૌથી પહેલા ચોખાને પીસીને તેનો ઝીણો લોટ તૈયાર કરો. ત્યારબાદ લીલા ધાણા-લીલા મરચાંની પેસ્ટ તૈયાર કરો.

હવે એક વાસણમાં પાણી ગરમ કરવા મુકો. ત્યારબાદ તેમાં લીલા મરચા-ધાણાની પેસ્ટ ઉમેરો. ત્યારબાદ સ્વાદ અનુસાર મીઠું ઉમેરો. આ પછી જીરું અને અજમો ઉમેરો.

પાણી ઉકળી જાય ત્યારબાદ તેમાં ચોખાનો લોટ ધીમે ધીમે ઉમેરતા જાવ અને મિશ્રણને હલાવતા જાવ. જ્યાં સુધી મિશ્રણ ઘટ્ટ ન થાય ત્યાં સુધી ચોખાનો લોટ ઉમેરી બરાબર મિક્સ કરો. 5 મિનિટ પછી ગેસ બંધ કરો.

હવે એક સ્ટીમરમાં પાણી ઉકળવા દો. ત્યારબાદ તેમાં પ્લેટમાં તેલથી ગ્રીસ કરી તેના પર ચોખાનો લોટ પાથરી લો. તેને 15 મિનિટ સ્ટીમ કરવા મુકો. હવે સ્ટીમમાંથી ખીચું કાઢી સીંગતેલ અને આચાર મસાલાથી ગાર્નિશ કરો.