સાંજના નાસ્તા માટે કાઇક વિચારી રહ્યા છો,તો ઘરે જ બનાવો ટેસ્ટી સ્વીટ કોર્ન સેન્ડવીચ

એ શિયાળાની ઋતુમાં સાંજે કઈક ચટપટું ખાવાનું મન થાય છે, ત્યારે સાંજના નાસ્તા માટે, અમે કંઈક એવું ખાવા માંગીએ છીએ જે સ્વાદિષ્ટ અને આરોગ્યપ્રદ બંને હોય. આ માટે સેન્ડવિચ વધુ સારો વિકલ્પ છે. સેન્ડવિચ પણ રેગ્યુલર વાડી નહીં પરંતુ અલગ અહે હેલ્ધી તેને બનાવવા માટે તમારે વધારે સામગ્રીની જરૂર નથી અને તે સરળતાથી બની જાય છે. તમારા સાંજના નાસ્તા માટે સ્વીટ કોર્ન સેન્ડવિચ એક સારો વિકલ્પ છે. જાણો તેને બનાવવાની સરળ રેસિપી.

સામગ્રી :-

200 ગ્રામ સ્વીટ કોર્ન, 3 ચમચી માખણ, 3/4 ચમચી કાળા મરી, 8 સ્લાઈસ બ્રેડ, 3/4 કપ ચેડર ચીઝ,

5 ચમચી લીલી ચટણી, 5 ચમચી સમારેલા કેપ્સીકમ, 3 ચમચી સમારેલી ડુંગળી, મીઠું

સ્વીટ કોર્ન સેન્ડવિચ બનાવવાની રીત :-

- આ સેન્ડવીચ બનાવવા માટે ગ્રીલરને પહેલાથી ગરમ કરો. જ્યારે ગ્રીલર ગરમ થઈ રહ્યું હોય, ત્યારે એક મધ્યમ કદનો મિક્સિંગ બાઉલ લો અને તેમાં બાફેલી સ્વીટ કોર્ન, બારીક સમારેલી ડુંગળી, કેપ્સિકમ, ચીઝ, કાળા મરી અને મીઠું ઉમેરો.

- સેન્ડવીચ માટે કોર્ન-ચીઝનું સ્ટફિંગ બનાવવા માટે, મિશ્રણને સારી રીતે મિક્સ કરો અને તેને એક બાઉલમાં બાજુ પર રાખો.

- હવે બ્રેડનો ટુકડો લો અને આખી સપાટી પર લીલી ચટણી ફેલાવો. ઉપર કોર્ન-ચીઝ ભરો અને સેન્ડવીચ બનાવવા માટે બ્રેડના બીજા ટુકડાથી ઢાંકી દો.

- સેન્ડવીચને ગરમ ગ્રીલ પર મૂકો અને બ્રેડના ટુકડાને સોનેરી થાય ત્યાં સુધી ગ્રીલ કરો. સ્લાઈસને ત્રાંસા કાપો તો આ રીતે સ્વીટ કોર્ન સેન્ડવિચ તૈયાર છે.