બપોરના ભોજનમાં બનાવો આ ટેસ્ટી ટામેટાં પુલાવ, જાણો સરળ રેસીપી....

આ ઉનાળાની કાળઝાળ ગરમીમાં કઇંક ઠંડુ ખાવાનું મન થતું હોય છે, અને તેમાય કેરી, કેરીનો રસ, શ્રીખંડ પણ વધારે બધા ઘરમાં ખવાતો હોય છે, પરંતુ જો તમે બપોરના ભોજનમાં કંઈક હલકું અને સ્વાદિષ્ટ બનાવવા માંગો છો, તો તમારે ટામેટાં પુલાવ બનાવી શકો છો. આને બનાવવામાં બહુ સમય લાગતો નથી. તેથી વ્યસ્ત દિવસો માટે આ એક સારો વિકલ્પ છે. તે ખાવામાં પણ ખૂબ જ સ્વાદિષ્ટ હોય છે, તેથી બાળકો અને ઘરના દરેકને તે ખાવાનું પસંદ આવશે. તો આવો જાણીએ ટામેટાં પુલાવ બનાવવાની સરળ રેસીપી.

સામગ્રી :-

4 કપ બાસમતી ચોખા, 4 ચમચી તેલ, 3 કરી પત્તા, 1 ચમચી સરસવ, 3 ટામેટાં, 1 ચમચી ચણાની દાળ, 1/4 કપ કાચી મગફળી, 1/2 ચમચી હિંગ, 1 ચમચી લાલ મરચું પાવડર, 2 ચમચી ઘી, 3 ડુંગળી, 2 ચમચી ઝીણું સમારેલું આદુ, 1/4 કપ કાજુ, 1/3 ચમચી હળદર, મીઠું, 4 ચમચી ઝીણી સમારેલી કોથમીર

બનાવવાની રીત :-

સૌ પ્રથમ એક મોટા બાઉલમાં ચોખા લો. તેને 3-4 વખત સારી રીતે ધોઈ લો અને પછી ફરી એકવાર વહેતા પાણીની નીચે. હવે એક વાસણમાં 8 કપ પાણી નાખીને ઉકાળો. વાસણમાં ચોખા રાંધવા. ત્યાર બાદ એક પેનમાં રિફાઈન્ડ તેલ ગરમ કરો. તેમાં સરસવ, ચણાની દાળ અને ઝીણું સમારેલું આદુ ઉમેરો. તેમને એક મિનિટ માટે ફ્રાય કરો. હવે તેમાં મગફળી નાખો અને રાંધે ત્યાં સુધી હલાવતા રહો. હવે તેમાં કાજુ, કઢી પત્તા અને હિંગ નાખીને બરાબર મિક્ષ કરી લો.

હવે તેમાં ઝીણી સમારેલી ડુંગળી ઉમેરો અને ગોલ્ડન બ્રાઉન થાય ત્યાં સુધી ફ્રાય કરો. હવે તેમાં સમારેલા ટામેટાં સાથે સ્વાદ મુજબ મીઠું નાખો. ટામેટાંને 6-8 મિનિટ અથવા નરમ થાય ત્યાં સુધી પકાવો. હવે તેમાં કાશ્મીરી લાલ મરચું પાઉડર, હળદર પાવડર નાખીને એક મિનિટ પકાવો. છેલ્લે, મસાલાને સરસ સુગંધ અને સ્વાદ આપવા માટે દેશી ઘી ઉમેરો. હવે ટામેટાં મસાલામાં બાફેલા ચોખા અને બારીક સમારેલી લીલા ધાણા ઉમેરો. સારી રીતે મિક્સ કરો, અને બરાબર પાકવા દો, તો આ સરળ રીતે બનાવી શકી છે પુલાવ...