ગુજરાતના આ સ્ટ્રીટ ફૂડ જે નવરાત્રી દરમિયાન સૌથી વધુ ખવાય છે, જાણો અને તમે પણ કરો ટ્રાય.....

ગુજરાતના આ સ્ટ્રીટ ફૂડ જે નવરાત્રી દરમિયાન સૌથી વધુ ખવાય છે, જાણો અને તમે પણ કરો ટ્રાય.....

ગુજરાત રાજ્ય દેશના સૌથી સમૃદ્ધ રાજ્યોમાંનું એક છે. જ્યાં નવરાત્રી દરમિયાન એક અલગ ઉત્સવ જોવા મળે છે. અહીં પર્યટન માટે પણ ઘણી જગ્યાઓ છે પણ નવરાત્રીમાં ગરબા રમવા અને ગરબા જોવા જતા લોકો રાત્રી દરમિયાન બજારમાં મળતી સ્ટ્રીટ ફૂડની મજા માણતા હોય છે. ગુજરાતના ઘણા સ્ટ્રીટ ફૂડ એટલા ફેમસ છે કે તેની માંગ દેશ સહિત વિશ્વાના અન્ય દેશોમાં પણ તેની માંગ છે. તો ચાલો જાણીએ નવરાત્રીમાં ગુજરાતના પ્રખ્યાત સ્ટ્રીટ ફૂડ વિશે.

સેવ ઉસળ:-

આ રેસીપી આખા ગુજરાતમાં બને છે, તેમ છતાં વડોદરામાં સેવ ઉસળ ખૂબ પ્રખ્યાત છે. તેને બનાવવા માટે સેવની સાથે પાવ અને વટાણા સહિતના અન્ય મસાલાનો ઉપયોગ કરવામાં આવે છે. તેનો ચટપટો અને મસાલેદાર સ્વાદ ખૂબ જ પસંદ આવે છે.

ખમણ:-

ખમણ એ ગુજરાતની સૌથી પ્રખ્યાત સ્ટ્રીટ ફૂડ ડીશ છે. આ ફૂડ ડીશ દેશ-વિદેશમાં પ્રખ્યાત છે. ચણાના લોટમાંથી તૈયાર કરેલી આ રેસીપી વરાળમાં રાંધવામાં આવે છે, જેના કારણે તેમાં તેલનો ઉપયોગ બહુ ઓછો થાય છે. દરેક ઉંમરના લોકોને તેનો સ્વાદ ગમે છે.

ખાંડવી:-

પ્રખ્યાત ગુજરાતી ફૂડ ડીશ ખાંડવી ખાવામાં ખૂબ જ નરમ અને સ્વાદથી ભરપૂર છે. ખાંડવી બનાવવા માટે ચણાના લોટનો ઉપયોગ મુખ્ય ઘટક તરીકે થાય છે. તેનો મીઠો અને ખાટો સ્વાદ ખૂબ જ પસંદ આવે છે. આ ઓછી કેલરીવાળી ફૂડ ડીશ છે.

હાંડવો:-

આ ફૂડ ડીશ ચોખા, અરહર દાળ, ચણાની દાળ અને અડદની દાળની પેસ્ટ બનાવીને તૈયાર કરવામાં આવે છે. તેની ઉપરની સજાવટ તલ વડે કરવામાં આવે છે. એક રીતે, આ એક મીઠી, ખારી કેક છે.

ફાફડા:-

ગુજરાતના ખાદ્યપદાર્થોનો ઉલ્લેખ હોય અને ફાફડાનું નામ ન હોય એવું કેવી રીતે બને? આ લોકપ્રિય સ્ટ્રીટ ફૂડ ડીશના ઘણા ચાહકો છે. તેને બનાવવા માટે ચણાનો લોટ, ખાવાનો સોડા અને અન્ય મસાલા મિક્સ કરીને ફાફડા બનાવવામાં આવે છે અને તેને તળવામાં આવે છે. તેને જલેબી સાથે પીરસવામાં આવે છે.

દાબેલી:-

ખમણ અને ફાફડાની જેમ દાબેલી પણ ગુજરાતની ખૂબ જ પ્રખ્યાત ફૂડ ડીશ છે. તેને બનાવવા માટે બટાકાની સાથે ઘણા બધા મસાલા મિક્સ કરીને સ્ટફિંગ તૈયાર કરવામાં આવે છે. દાબેલીને પાવમાં ભરીને તૈયાર કરવામાં આવે છે. ગુજરાતીઓને આ ફૂડ ડીશ ખૂબ ગમે છે.

ઘુઘરા:-

ઘુઘરાનો ગુજરાતના પ્રખ્યાત સ્ટ્રીટ ફૂડમાં પણ સમાવેશ થાય છે. આ એક ક્રિસ્પી, મીઠી અને સુગંધિત ખાદ્ય વાનગી છે. તેને ડીપ ફ્રાય કરીને તૈયાર કરવામાં આવે છે. ઘુગલાને દેશના અન્ય ભાગોમાં ગુજિયા તરીકે પણ ઓળખવામાં આવે છે.