ચેમ્પિયન ટ્રોફીની વિજેતા ટીમ માટે ICCએ બનાવ્યું એક ખાસ જેકેટ

ચેમ્પિયન ટ્રોફીની વિજેતા ટીમ માટે આઇસીસીએ એક ખાસ જેકેટ બનાવ્યું છે. આઇસીસીએ તેનો પહેલો લુક શેર કર્યો છે. વીડિયોમાં વસીમ અકરમ પણ જોવા મળે છે
.
ચેમ્પિયન ટ્રોફી 2025 19 ફેબ્રુઆરીથી શરૂ થશે. ટુર્નામેન્ટની પહેલી મેચ પાકિસ્તાન અને ન્યુઝીલેન્ડ વચ્ચે કરાચીમાં રમાશે. આઇસીસીએ ચેમ્પિયન ટ્રોફીની તૈયારીઓ પૂર્ણ કરી લીધી છે. આ વખતે વિજેતા ટીમ માટે ખાસ જેકેટ બનાવવામાં આવ્યું છે.આઇસીસીએ તેનો પહેલો લુક શેર કર્યો છે. તેણે એક્સ પર એક વીડિયો શેર કર્યો છે. તેમાં ભૂતપૂર્વ પાકિસ્તાની ખેલાડી વસીમ અકરમ પણ જોવા મળે છે. 

વાસ્તવમાં ચેમ્પિયન ટ્રોફીની વિજેતા ટીમે ટાઇટલ મેળવતા પહેલા સફેદ બ્લેઝર પહેરવું પડે છે. ટીમ ઈન્ડિયાએ 2013માં મહેન્દ્રસિંહ ધોનીની કેપ્ટનશીપમાં ખિતાબ જીત્યો હતો. આ પછી પાકિસ્તાને 2017 માં આ ટ્રોફી જીતી હતી. ફાઇનલ જીત્યા બાદ આ બંને ટીમો સફેદ બ્લેઝરમાં જોવા મળી હતી. આઇસીસીએ આ વખતે એક ખાસ જેકેટ બનાવ્યું છે.