ભારતે પ્રથમ T20માં બાંગ્લાદેશને 7 વિકેટે હરાવ્યું, હાર્દિકની ગજબ ફટકાબાજી !

ભારતે પ્રથમ T20માં બાંગ્લાદેશને 7 વિકેટે હરાવ્યું છે. ગ્વાલિયરના માધવરાવ સિંધિયા સ્ટેડિયમમાં ભારતે ટૉસ જીતીને બોલિંગ પસંદ કરી હતી. બાંગ્લાદેશે 19.5 ઓવરમાં 127 રન બનાવ્યા હતા. ભારતે 11.5 ઓવરમાં માત્ર 3 વિકેટ ગુમાવીને ટાર્ગેટ ચેઝ કરી લીધો હતો.

ભારત તરફથી અર્શદીપ સિંહ અને વરુણ ચક્રવર્તીએ 3-3 વિકેટ લીધી હતી. સંજુ સેમસન અને સૂર્યકુમાર યાદવે 29-29 રન બનાવ્યા હતા. હાર્દિક પંડ્યાએ 39 રન બનાવીને મેચ પૂરી કરી હતી. પ્રથમ T20 જીતીને ભારતે સિરીઝમાં 1-0ની સરસાઈ મેળવી લીધી છે. બીજી મેચ 9 ઓક્ટોબરે દિલ્હીમાં રમાશે.