ભારતે પહેલી T20 મેચમાં ઇંગ્લેન્ડને 7 વિકેટે હરાવ્યું, અભિષેક શર્માના તોફાની 79 રન

ભારતે પહેલી T20 મેચમાં ઇંગ્લેન્ડને 7 વિકેટે હરાવ્યું છે. ભારતે કોલકાતાના ઈડન ગાર્ડન્સ સ્ટેડિયમમાં બોલિંગ કરવાનું પસંદ કર્યું. ઇંગ્લિશ ટીમ 132 રન બનાવીને ઓલઆઉટ થઈ ગઈ હતી. ભારતે ઝડપી બેટિંગ કરી અને 12.5 ઓવરમાં 3 વિકેટ ગુમાવીને ટાર્ગેટ ચેઝ કરી લીધો.

ભારતીય ઓપનર અભિષેક શર્માએ 34 બોલમાં 79 રન બનાવ્યા. તેણે ઇનિંગ્સમાં 8 છગ્ગા અને 5 ચોગ્ગા ફટકાર્યા. બોલિંગમાં વરુણ ચક્રવર્તીએ 3 વિકેટ લીધી. ઇંગ્લેન્ડ તરફથી જોસ બટલરે 68 રન બનાવ્યા, જ્યારે જોફ્રા આર્ચરે 2 વિકેટ લીધી. ભારત સિરીઝમાં 1-0થી આગળ છે. હવે બીજી મેચ 25 જાન્યુઆરીએ ચેન્નઈમાં રમાશે.