ભારત WTC પોઈન્ટ ટેબલમાં ટોચ પર પહોંચ્યું:સતત ત્રીજી વખત ફાઈનલ રમવાની અપેક્ષાઓ વધી..

ICC ટુર્નામેન્ટની ફાઈનલ ફરી એકવાર ભારત અને ઓસ્ટ્રેલિયા વચ્ચે જોવા મળી શકે છે. ઓસ્ટ્રેલિયા સામે વેલિંગ્ટન ટેસ્ટમાં મળેલી હાર બાદ ન્યૂઝીલેન્ડ વર્લ્ડ ટેસ્ટ ચેમ્પિયનશિપ (WTC)ના પોઈન્ટ ટેબલમાં નંબર-2 પર આવી ગયું છે. આ સાથે ટીમ ઈન્ડિયા નંબર વન પર આવી ગઈ છે. ઓસ્ટ્રેલિયા ત્રીજા નંબર પર છે.ભારતને હવે ઘરઆંગણે 2 સિરીઝ રમવાની છે, જ્યાં ટીમ છેલ્લા 12 વર્ષમાં એકપણ સિરીઝ હારી નથી. બીજી તરફ ઓસ્ટ્રેલિયાને ન્યૂઝીલેન્ડમાં 31 વર્ષથી હારનો સામનો કરવો પડ્યો નથી. આ પછી, કાંગારૂઓએ ભારત અને શ્રીલંકા સામે રમવાનું છે, એક પણ શ્રેણી જીતવાથી ટીમની ફાઈનલમાં પહોંચવાની તકો વધી જશે.જો ભવિષ્યની મેચ આમ જ ચાલતી રહેશે તો WTCની ફાઈનલ ઓસ્ટ્રેલિયા અને ભારત વચ્ચે થશે. આ મેચ જૂન 2025માં યોજાવાની છે.