IPL: આજે મુંબઇ ઇન્ડિયન્સની ઘર આંગણે રાજસ્થાન રોયલ્સ સામે કસોટી, હાર્દિક પંડ્યાના નિર્ણયો પર રહેશે નજર

IPL 2024ની 14મી મેચમાં મુંબઈ ઈન્ડિયન્સનો સામનો રાજસ્થાન રોયલ્સ સાથે થશે. આ મેચ આજે એટલે કે 1 એપ્રિલે મુંબઈના હોમ ગ્રાઉન્ડ એટલે કે વાનખેડે સ્ટેડિયમમાં રમાવાની છે. જાણીતું છે કે મુંબઈ સિઝનની તેની પ્રથમ જીતની શોધમાં છે, જ્યારે રાજસ્થાનનો ઉત્સાહ સતત બે જીત સાથે ટોચ પર છે. આવી સ્થિતિમાં આ મેચ ખૂબ જ રોમાંચક રહેવાની આશા છે.ઘરઆંગણે મુંબઈની આ પ્રથમ મેચ હશે. એ તો જાણીતું જ છે કે અત્યાર સુધી રમાયેલી બંને મેચમાં તેને હારનો સામનો કરવો પડ્યો છે. પ્રથમ મેચમાં હાર્દિકની ટીમને ગુજરાત ટાઇટન્સ સામે હારનો સામનો કરવો પડ્યો હતો જ્યારે બીજી મેચમાં સનરાઇઝર્સ હૈદરાબાદે તેને 31 રને પરાજય આપ્યો હતો. ટીમની કમાન હાર્દિક પંડ્યાના હાથમાં છે અને અત્યાર સુધી રમાયેલી બે મેચમાં તેણે પોતાની કેપ્ટનશિપથી બધાને નિરાશ કર્યા છે.