NZ vs SL: શ્રીલંકાના ઓપનર કુસલ પરેરાએ તોફાની ઇનિંગ રમીને તોડ્યો વર્લ્ડ કપનો મોટો રેકોર્ડ

ICC ODI વર્લ્ડ કપ 2023 ની 41મી મેચ શ્રીલંકા અને ન્યુઝીલેન્ડ વચ્ચે રમાઈ રહી છે. આ મેચમાં પ્રથમ બેટિંગ કરતા શ્રીલંકન ટીમના ઓપનર કુસલ પરેરાએ વર્લ્ડ કપ 2023ની સૌથી ઝડપી અડધી સદી ફટકારી હતી.

બેંગલુરુના એમ ચિન્નાસ્વામી સ્ટેડિયમમાં રમાઈ રહેલી આ મેચમાં કુસલ પરેરાએ 22 બોલમાં તોફાની અડધી સદી ફટકારી હતી અને આ દરમિયાન તેણે ઓસ્ટ્રેલિયન ટીમના ઓપનર ટ્રેવિસ હેડને પાછળ છોડી દીધો હતો, જેણે ન્યૂઝીલેન્ડ સામે માત્ર 25 બોલમાં સૌથી ઝડપી અડધી સદી ફટકારી હતી.  જોકે કુસલ પરેરા આ રેકોર્ડ બનાવ્યાના થોડા સમય બાદ જ આઉટ થઈ ગયો હતો.

હકીકતમાં, શ્રીલંકન ટીમ દ્વારા ન્યુઝીલેન્ડ સામે રમાઈ રહેલી મેચમાં કુસલ પરેરાએ 22 બોલમાં અડધી સદી ફટકારી હતી અને તે વિશ્વ કપમાં શ્રીલંકા માટે સૌથી ઝડપી અડધી સદી ફટકારનાર બીજો બેટ્સમેન બની ગયો છે.