પાકિસ્તાનના ઓલરાઉન્ડર ઇમાદ વસીમ આંતરરાષ્ટ્રીય ક્રિકેટને કહ્યું અલવિદા

પાકિસ્તાનના ઓલરાઉન્ડર ઇમાદ વસીમ આંતરરાષ્ટ્રીય ક્રિકેટને અલવિદા કહી ચુક્યા છે. જો કે, ઇમાદ વસીમ પાકિસ્તાન સુપર અને અન્ય લીગમાં રમવાનું ચાલુ રાખશે, પરંતુ પાકિસ્તાનની જર્સીમાં જોવા મળશે નહીં. વાસ્તવમાં, ઇમાદ વસીમ લાંબા સમયથી પાકિસ્તાન ટીમની બહાર હતો. જો કે હવે આ ઓલરાઉન્ડરે આંતરરાષ્ટ્રીય ક્રિકેટને અલવિદા કહેવાનો નિર્ણય કર્યો છે.

જો ઈમાદ વસીમના કરિયર પર નજર કરીએ તો આ ખેલાડીએ 55 વનડે મેચો સિવાય 66 ટી20 મેચોમાં પાકિસ્તાનનું પ્રતિનિધિત્વ કર્યું હતું. જોકે, ઈમાદ વસીમને ટેસ્ટ ફોર્મેટમાં તક મળી નથી. ઈમાદ વસીમે 55 ODI મેચમાં 44.58ની એવરેજથી 44 વિકેટ લીધી હતી. ODI ફોર્મેટમાં ઈમાદ વસીમની ઈકોનોમી 4.89 હતી. આ સિવાય ઈમાદ વસીમે 66 ટી20 મેચોમાં 21.78ની એવરેજ અને 6.27ની ઈકોનોમી સાથે 65 વિપક્ષી બેટ્સમેનોને પોતાનો શિકાર બનાવ્યા. ODI અને T20 બંને ફોર્મેટમાં ઇમાદ વસીમના શ્રેષ્ઠ બોલિંગ આંકડા 14 રનમાં 5 વિકેટ હતા.