વિરાટ કોહલીએ રણજી મેચમાં ઉતરતા પહેલા મુંબઈમાં પ્રેક્ટિસ શરૂ કરી !

વિરાટ કોહલીએ રણજી મેચમાં ઉતરતા પહેલા મુંબઈમાં પ્રેક્ટિસ શરૂ કરી દીધી છે. તેણે ભારતીય ટીમના ભૂતપૂર્વ બેટિંગ કોચ સંજય બાંગરની દેખરેખ હેઠળ શનિવાર અને રવિવારે પ્રેક્ટિસ કરી હતી.કોહલી 30 જાન્યુઆરીથી દિલ્હી અને રેલવે વચ્ચેની રણજી મેચમાં રમતા જોવા મળશે. તેણે દિલ્હી અને ડિસ્ટ્રિક્ટ ક્રિકેટ એસોસિએશનને આની જાણ કરી છે.

કોહલીની પ્રેક્ટિસનો વીડિયો સોશિયલ મીડિયા પર વાઇરલ થઈ રહ્યો છે. આ વીડિયોમાં વિરાટ કોહલી ઓફ સ્ટમ્પની બહાર જતા બોલ પર પ્રેક્ટિસ કરતો જોવા મળ્યો હતો. પ્રેક્ટિસ સેશન દરમિયાન બાંગર કોહલીને 16 યાર્ડના અંતરથી થ્રો ડાઉન કરતા જોવા મળ્યા. તેમણે કોહલીને સતત વધતા બોલ પર પ્રેક્ટિસ કરાવી. કોહલી બેકફૂટ પ્લે પર વધુ કામ કરતો જોવા મળ્યો હતો. તે બોલ રમવા માટે પાછળની તરફ નમતો જોવા મળ્યો હતો.