યશસ્વી જયસ્વાલે પર્થ ટેસ્ટમાં બનાવ્યો રેકોર્ડ, એક કેલેન્ડર યરમાં સૌથી વધુ ટેસ્ટ છગ્ગા ફટકારવાનો રેકોર્ડ નોંધાવ્યો

યશસ્વી જયસ્વાલે પર્થ ટેસ્ટમાં શાનદાર પ્રદર્શન કર્યું છે. તેણે ભારત માટે ઓસ્ટ્રેલિયા સામે બીજી ઇનિંગમાં અણનમ 90 રન બનાવ્યાં છે. યશસ્વીએ આ ઇનિંગ દરમિયાન 2 છગ્ગા અને 7 ચોગ્ગા ફટકાર્યા હતા. તેની સાથે જ તેણે પર્થ ટેસ્ટમાં રેકોર્ડ બનાવી દીધો છે.

યશસ્વીએ છગ્ગાનો રેકોર્ડ તોડ્યો છે. તેણે 147 વર્ષ ક્રિકેટ ઇતિહાસમાં પહેલીવાર આ કમાલ કરી બતાવી છે. યશસ્વી જયસ્વાલે એક કેલેન્ડર યરમાં સૌથી વધુ ટેસ્ટ છગ્ગા ફટકારવાનો રેકોર્ડ નોંધાવ્યો છે.

યશસ્વીએ વર્ષ 2024માં અત્યાર સુધીમાં 34 છગ્ગા ફટકાર્યા છે. આ રેકોર્ડ પહેલા બ્રેન્ડમ મેક્કુલમના નામે હતો. ન્યૂઝીલેન્ડના ખેલાડી મેક્કુલમે 2014માં 33 છગ્ગા ફટકાર્યા હતા.