સુરત : વિનાશી વાવઝોડાએ ઊભા પાકનો કર્યો નાશ, સીવણ ગામના ખેડૂતે શેરડીના પાક પર ફેરવી કાઢ્યું ટ્રેક્ટર

સુરત જિલ્લાના ઓલપાડ તાલુકાના સીવણ ગામના ખેડૂતે પોતાના 16 વીઘાના ખેતરમાં રહેલ ઉભા શેરડીના પાક પર ટ્રેક્ટર ફેરવી કાઢ્યું હતું.

તૌકતે નામનું વિનાશી વાવઝોડું તો ચાલ્યું ગયું પણ લોકો માટે અનેક મુસીબતો મુકતું ગયું છે. વાવાઝોડા દરમ્યાન ઓલપાડ તાલુકામાં 06 ઇંચ જેટલો વરસાદ ખાબકતા અહીના વિસ્તારના ખેતરોમાં પાણી ભરાઈ ગયા છે, ત્યારે હાલ ખેતરોમાં પાણી ભરાઈ જતા સાયણ સુગર દ્વારા શેરડીની કામગીરી પણ અટકાવી દેવામાં આવી છે. જોકે, સુગર ફેક્ટરી દ્વારા ખેડૂતોને શેરડીના પાકના રૂપિયા આપવાનું નક્કી કરી શેરડી નહીં કાપવાનો નિર્ણય જાહેર કર્યો છે.

જોકે, હવે ખેડૂતો પર પડતાં પર પાટા જેવી સ્થિતિનું નિર્માણ થયું છે, ત્યારે ખેડૂતો હવે પોતાનું ખેતર સાફ કરવા શેરડીના પાક પર ટ્રેક્ટર ફેરવી નાશ કરી રહ્યા છે. તેવામાં સીવણ ગામના ખેડૂત કિશોર પટેલે પોતાના ખેતરનો શેરડીનો ઊભો પાક નાશ કરવાની કામગીરીમાં લાગી ગયા છે. ખેડૂત કિશોર પટેલે 16 વીઘાના ખેતરમાં રહેલ શેરડીના પાક પર ટ્રેકટર ફેરવી આખેયાખા પાકનો નાશ કર્યો હતો.