સુરત : શૈક્ષણિક પરિસરોમાં વધી રહેલી હિંસક ઘટનાઓના વિરોધમાં ABVP દ્વારા હલ્લાબોલ કરાયો...

• શૈક્ષણિક પરિસરોમાં વધી રહેલી હિંસક ઘટનાઓનો વિરોધ

• અખિલ ભારતીય વિદ્યાર્થી પરિષદ દ્વારા પ્રદેશવ્યાપી વિરોધ

• અણુવ્રત દ્વાર ખાતે ABVP દ્વારા ઉગ્ર સુત્રોચાર સાથે હલ્લાબોલ

• શિક્ષણ વિભાગ અને પોલીસ તંત્રને આવેદન પત્ર પાઠવાયું

• વિદ્યાર્થીઓ સાથે બનતી ઘટનાઓને રોકવા માટે માગ કરાય 

રાજ્યમાં શૈક્ષણિક પરિસરોમાં વધી રહેલી હિંસક ઘટનાઓના વિરોધમાં અખિલ ભારતીય વિદ્યાર્થી પરિષદ દ્વારા પ્રદેશવ્યાપી વિરોધ પ્રદર્શન યોજાય રહ્યા છે, ત્યારે સુરતમાં ABVP દ્વારા ઉગ્ર વિરોધ પ્રદર્શન યોજાયું હતું.

ગત તા. 19 ઓગસ્ટના રોજ અમદાવાદ શહેરના ખોખરા વિસ્તારની સેવન્થ ડે સ્કૂલમાં ધક્કામુક્કી જેવી નજીવી બાબતે વિદ્યાર્થીઓ વચ્ચે ખૂની ખેલ ખેલાયો હતો, ત્યારે રાજ્યમાં શૈક્ષણિક પરિસરોમાં વધી રહેલી હિંસક ઘટનાઓના વિરોધમાં અખિલ ભારતીય વિદ્યાર્થી પરિષદ દ્વારા પ્રદેશવ્યાપી વિરોધ પ્રદર્શન યોજાય રહ્યા છે. જેના ભાગરૂપે સુરત શહેરના અણુવ્રત દ્વાર ખાતે ABVPના આગેવાનો અને કાર્યકરોએ એકત્ર થઈ ભારે સુત્રોચાર સાથે હલ્લાબોલ કર્યો હતો.

 ભારતભરમાં વિદ્યાર્થીઓ સાથે બનતી ઘટનાઓને રોકવા ABVP મેદાનમાં આવ્યું છે, ત્યારે ગુજરાતભરમાં વિદ્યાર્થીઓ માટે ABVP ઉગ્ર દેખાવ કરવામાં આવ્યો હતો. એટલું જ નહીં, શિક્ષણ વિભાગ અને પોલીસ તંત્રને આવેદન પત્ર આપી વિદ્યાર્થીઓ સાથે બનતી ગંભીર ઘટના રોક લાગે તેવી માંગ કરવામાં આવી હતી.