સુરત : ઘી ડોટ બોલ ક્રિકેટ બોક્સનો શેડ ધરાશાયી થયા બાદ મનપા આવ્યું હરકતમાં,7 બિન અધિકૃત ક્રિકેટ બોક્સ કર્યા સીલ

• બોક્સ ક્રિકેટનો શેડ તૂટવાનો મામલો

• મનપાનું તંત્ર આવ્યું હરકતમાં

• બિનઅધિકૃત ધમધમતા હતા શેડ

• મનપાએ ફટકારી હતી નોટિસ 

• 7 શેડને મનપાએ કર્યા સીલ

સુરતમાં બોક્સ ક્રિકેટનો શેડ ધરાશાયી થવાની ઘટના બની હતી. બનાવને પગલે અફરાતફરીનો માહોલ સર્જાય ગયો હતો.જોકે આ ઘટના બાદ નીંદરમાંથી જાગેલા તંત્રએ બિનઅધિકૃત 7 ક્રિકેટ બોક્સને સીલ કર્યા છે.

સુરત શહેરના કતારગામ વિસ્તારમાં રામકથા રોડ પર ધ ડોટ બોલ બોક્સ ક્રિકેટનો શેડ હતો.આ શેડમાં ક્રિકેટ પ્રેમીઓ ક્રિકેટ રમવા માટે આવતા હતા. પરંતુ અચાનક આ શેડ ધરાશાયી થયો હતો. આ ઘટના બાદ મહાનગરપાલિકા દ્વારા બિનઅધિકૃત રીતે કાર્યરત 7 ક્રિકેટ બોક્સને સીલ મારી દેવામાં આવ્યું છે. કતારગામ ઝોનમાં 7 ક્રિકેટ બોક્સને પાલિકા દ્વારા અગાઉ નોટિસ ફટકારવામાં આવી હતી.પરંતુ સંચાલકો દ્વારા કોઈ કામગીરી નહી કરાતા સીલની કાર્યવાહી કરવામાં આવી છે.