સુરત : કાપોદ્રામાં હાર્ટ એટેકના ખોટા રિપોર્ટ જનરેટ કરી 5 કરોડનો વીમો પકવવાનું રેકેટ ઝડપાયું,બે મહિલા સહિત 10 સામે ફરિયાદ

સુરતની પી.પી.સવાણી અને નાના વરાછાની ડાયમંડ હોસ્પિટલમાં સારવાર લીધા વિના હોસ્પિટલના સિક્કા, બોગસ કાર્ડિયોગ્રામ અને તબીબોની બોગસ સહીથી 5 વીમા કંપનીઓમાં 5.27 કરોડનો કલેઇમ કરવાનું રેકેટ ઝડપાયું છે

author-image
By Connect Gujarat Desk in સુરત સમાચાર
New Update

  • મેડિક્લેઇમ મેળવવા માટેનું કારસ્તાન

  • હોસ્પિટલમાં દાખલ થઈને ભેજાબાજોનું કૃત્ય

  • 5 વીમા કંપનીમાં ક્લેઇમ કરતા સમગ્ર ઘટના બહાર આવી

  • 5.27 કરોડનો ક્લેઇમ કરવાનું કૌભાંડ ઝડપાયું

  • બે મહિલા સહિત 10 સામે નોંધાઈ પોલીસ ફરિયાદ

સુરતના કાપોદ્રાની પી.પી.સવાણી અને નાના વરાછાની ડાયમંડ હોસ્પિટલમાં સારવાર લીધા વિના હોસ્પિટલના સિક્કા, બોગસ કાર્ડિયોગ્રામ અને તબીબોની બોગસ સહીથી 5 વીમા કંપનીઓમાં 5.27 કરોડનો કલેઇમ કરવાનું રેકેટ ઝડપાયું છે, જેમાં કાપોદ્રા પોલીસે 2 મહિલા સહિત 10 જણા સામે ગુનો દાખલ કર્યો છે.

સુરતની હોસ્પિટલોમાં દાખલ થઈને વીમો પકાવવાનું કૌભાંડ બહાર આવતા ખળભળાટ મચી ગયો છે.કાપોદ્રાની પી.પી.સવાણી અને નાના વરાછાની ડાયમંડ હોસ્પિટલમાં સવાર લીધા વગર હોસ્પિલટના સિક્કા,બોગસ કાર્ડિયોગ્રામ અને તબીબોની બોગસ સહીથી 5 વીમા કંપનીઓમાં 5.27 કરોડનો ક્લેઇમ કરવાનું રેકેટ બહાર આવ્યું છે.

જેમાં વીમા કંપનીના ડોક્યુમેન્ટ વેરિફિકેશનમાં આખી ઘટનાનો ભાંડો ફૂટ્યો હતો. હોસ્પિટલના એડમિનિસ્ટ્રેટરની બે અલગ અલગ ફરિયાદ પર કાપોદ્રા પોલીસે બે મહિલા સહિત 10 ભેજાબાજો સામે ગુનો દાખલ કર્યો હતો.

નાના વરાછાની ડાયમંડ હોસ્પિટલ અને કાપોદ્રાની પી.પી.સવાણી હોસ્પિટલમાં 2 મહિલા સહિત 10 જણાએ 5 અલગ અલગ વીમા કંપનીમાં 5.27 કરોડનો કલેઇમ કર્યો હતો. જેમાં 10 દર્દી પૈકી 8 લોકો હોસ્પિટલમાં ઈમરજન્સીમાં આવ્યા હતા. તેમને તબીબે બ્લડ રિપોર્ટ, સોનોગ્રાફી કે કાર્ડિયોગ્રામની સલાહ આપી તો રજા લઈ જતા રહ્યા હતા.બ્લડ સેમ્પલથી હોસ્પિટલમાં રિપોર્ટ કઢાવી આ દર્દીઓએ સારવાર લીધી ન હોવા છતાં બોગસ ડોક્યુમેન્ટ ઉભા કરી વીમા કંપનીમાં કલેઇમ કર્યો હતો.

હાલ પોલીસે ઘટના અંગે ફરિયાદ નોંધીને તપાસના ચક્રો ગતિમાન કર્યા છે,જોકે ઘટનાને પગલે ભારે ચકચાર મચી ગઈ છે.

#ખોટા રિપોર્ટ #હાર્ટ એટેક #કાપોદ્રા #સુરત
Related Articles
Read the Next Article

સુરત : ડાયમંડના કારખાનામાંથી રફ હીરાની ચોરીનો ભેદ ઉકેલાયો,પોલીસે પૂર્વ કારીગર સહિત ત્રણ આરોપીની કરી ધરપકડ

સુરત કતારગામમાં એસ.પી.ડાયમંડ કારખાનામાં રફ હીરાની ચોરી થઇ હતી,રૂપિયા 23.45 લાખના હીરા ચોરીમાં પોલીસે પૂર્વ કારીગર સહિત ત્રણ આરોપીઓની ધરપકડ કરી હતી. 

author-image
By Connect Gujarat Desk in સુરત સમાચાર
New Update

  • એસ.પી.ડાયમંડમાં 23.45 લાખની થઈ હતી ચોરી

  • રફ હીરાની ચોરી કરી ચોર થયા હતા ફરાર

  • ઓફિસના ટેબલમાંથી ચોરોએ કરી હતી ચોરી

  • પૂર્વ કારીગર સહિત ત્રણ આરોપી ઝડપાયા

  • પોલીસે 23.45 લાખનો મુદ્દામાલ પણ કર્યો જપ્ત

સુરત કતારગામમાં એસ.પી.ડાયમંડ કારખાનામાં રફ હીરાની ચોરી થઇ હતી,રૂપિયા 23.45 લાખના હીરા ચોરીમાં પોલીસે પૂર્વ કારીગર સહિત ત્રણ આરોપીઓની ધરપકડ કરી હતી. 

સુરતના અડાજણ ગુજરાત ગેસ સર્કલ પાસે સેન્ટ પાર્કમાં રહેતા પરેશ ચીનુભાઈ ઝવેરી કતારગામમાં હીરાનું કારખાનાનું ચલાવે છે.15મી જુને રવિવારની રજા હોવાથી તેઓ કારખાનું બંધ કરી ઘરે ગયા હતા. બીજા દિવસે સવારે મહિલા સફાઈ માટે કારખાને ગઈ ત્યારે ઓફિસ ખુલ્લી હતી. આથી તેઓએ માલિકને ચોરી અંગે જાણ કરી હતી.

ઓફિસમાં લાગેલા સીસીટીવી કેમેરાની તપાસ કરી હતી. જેમાં ચોરો કારખાનામાં 16મી તારીખે બે થી અઢી વાગ્યાના અરસામાં પાર્કિંગમાંથી પ્રવેશ કરી ઓફિસના દરવાજાનું લોક નકલી ચાવીથી કે પછી અન્ય કોઈ રીતે ખોલી ઓફિસમાં ટેબલના ડ્રોઅરના લોક ખોલી તેમાંથી રફ હીરા અલગ અલગ કેરેટના મળી 23.45 લાખના ચોરી કરી હતી. ચોરીમાં કતારગામ પોલીસે કારખાનામાં અગાઉ કામ કરતા જીતુ ચૌધરી અને તેના મિત્ર મેહુલ ચૌધરી તેમજ યોગેશ ચૌધરીને બનાસકાંઠા ખાતેથી દબોચી લીધા છે. પોલીસે ચોરીનો મુદ્દામાલ કબજે કર્યો છે.

#arrested three accused #thefts #Diamond #surat police #Surat #thieves #CGNews #Gujarat