ઇંગ્લેન્ડે ત્રીજી ટી-20 મેચમાં ભારતને 125 રનથી હરાવ્યું હતું. આંતરરાષ્ટ્રીય T20 ક્રિકેટમાં આ ટીમ ઇન્ડિયાનો સૌથી મોટો પરાજય છે. આ ઐતિહાસિક વિજય સાથે ઇંગ્લેન્ડે શ્રેણીમાં 2-0 ની લીડ મેળવી હતી. નોટિંગહામમાં રમાયેલી આ મેચમાં યજમાન ઇંગ્લેન્ડે પ્રથમ બેટિંગ કરી અને 201 રન બનાવ્યા હતા. જવાબમાં ભારત 76 રનમાં ઓલઆઉટ થઈ ગયું હતું.
પહેલાં ટી-20 ક્રિકેટ ઇતિહાસમાં ભારતને ક્યારેય 100 રન કે તેથી વધુથી હારનો સામનો કરવો પડ્યો ન હતો. ઇંગ્લેન્ડ આ રેકોર્ડ હાંસલ કરનાર પ્રથમ દેશ બન્યો હતો. વૈભવ સૂર્યવંશીથી લઈને અભિષેક શર્મા અને કેપ્ટન શ્રેયસ ઐયર સુધી બધા ખરાબ રીતે નિષ્ફળ ગયા હતા. શ્રેયસ ઐયરનો કેપ્ટન તરીકે સતત મેચમાં હારનો સિલસિલો ચાલુ છે.
આ પહેલાં ટીમ ઇન્ડિયાનો સૌથી મોટો ટી-20 પરાજય 80 રનથી હતો, જે 2019માં ન્યૂઝીલેન્ડ સામે આવ્યો હતો. દરમિયાન 76 રન ટી-20 ક્રિકેટ ઇતિહાસમાં ભારતીય ટીમ દ્વારા બીજા ક્રમનો સૌથી ઓછો સ્કોર છે. ભારતનો સૌથી ઓછો સ્કોર 74 રન છે, જે 2008માં ઓસ્ટ્રેલિયા સામે આવ્યો હતો.
