મિડલ ક્લાસ ફેમિલી માટે મસ્ત છે આ વિદેશ યાત્રા, સસ્તા ભાડામાં સ્વિત્ઝરલૅન્ડ જેવી આવશે મજા....

કોઈક જ એવી વ્યકતી હશે જેને વિદેશ ફરવા જવાનું પસંદ ના હોય. અમીર લોકો તો તેમની મનપસંદગ જગ્યાઓ પર ફરવા માટે નિકળી જતા હોય છે અને તેઓ મજા પણ કરતા હોય છે.. પરંતુ મધ્યમ વર્ગીય પરિવારે તો પોતાનું બજેટ પણ જોવાનું હોય છે. ત્યારે આવો જાણીએ મધ્યમ વર્ગીય માટે વિદેશ ફરવા માટે સારી જગ્યા કઈ છે.... ત્યારે અમે તમને ભૂતાનના કેટલાક મુખ્ય પર્યટન સ્થળો વિશે જણાવવા જઈ રહ્યા છીએ જે અહીંની યાત્રાને યાદગાર બનાવે છે. આવો જાણીએ આ જગ્યાઓ વિશે.

· જાકર ભૂતાનમાં એક આકર્ષક સ્થળ છે. જેને જામખાર તરીકે પણ ઓળખવામાં આવે છે. આ સ્થળ મુખ્યત્વે બિઝનેસ સેન્ટર તરીકે જાણીતું છે. આ નાનકડા શહેરને ભૂતાનના લિટલ સ્વિટ્ઝર્લેન્ડ તરીકે પણ ઓળખવામાં આવે છે. ઘણા મોટા ધાર્મિક કેન્દ્રો પણ અહીં સ્થિત છે, જેમ કે આ એક ખૂબ જ આકર્ષક ધાર્મિક કેન્દ્ર છે જે મઠોમાંથી પડ્યું છે. જો તમે ધાર્મિક સ્થળોની મુલાકાત લેવાનું પસંદ કરો છો, તો તમે ભૂતાનમાં મંદિરોની મુલાકાત લઈ શકો છો.

બુમથાંગ

· બુમથાંગ ચાર સુંદર પર્વત ખીણોનું ઘર છે. અહીં ઘણા પ્રાચીન મઠો અને મંદિરો આવેલા છે. બુમથાંગ ભુતાનમાં ફરવા માટેનું એક શ્રેષ્ઠ સ્થલ છે જે તેના ધર્મ, આધ્યાત્મિકતા અને ઇતિહાસ માટે જાણીતું છે. કુર્જી અને તમશિંગ લખાંગ અહીંના મુખ્ય જોવાલાયક સ્થળો છે . આ સિવાય પ્રવાસીઓ પહાડી પર ટ્રેકિંગ પણ કરી શકે છે. દર વર્ષે ફેબ્રુઆરીમાં બુમથાંગમાં, ભુતાનના વિચરતી લોકોના ઉત્સવનું આયોજન કરવામાં આવે છે...

થિમ્પુ

· થિમ્પુ ભૂતાનની રાજધાની છે. આ શહેર વાંગછૂ નદીના કિનારે સમુદ્ર સપાટીથી 2,400 મીટરની ઉંચાઈ પર આવેલું છે. શહેરની મધ્યમાં 4 સમાંતર રસ્તાઓ છે. જ્યાં મુખ્ય બજારો, હોટલ, રેસ્ટોરન્ટ, સરકારી ઓફિસ, સ્ટેડિયમ અને સુંદર બગીચાઓ છે. આ શહેરમાં મોટી સંખ્યામાં બહુમાળી ઇમારતો અને એપાર્ટમેન્ટ્સ બનાવવામાં આવી રહ્યા છે. આ ભૂતાનની પરંપરાગત સ્થાપત્ય શૈલીમાં બનાવવામાં આવી રહી છે, જે શહેરના પરંપરાગત સાંસ્કૃતિક વાતાવરણને જાળવી રાખે છે. થિમ્પુમાં ઘણા જોવાલાયક સ્થળો પણ છે.

પુનાખા જોંગ

· આ માત્ર પુનાખામાં જ નહીં પણ ભૂતાનમાં પણ સૌથી મોટું અને સૌથી પ્રખ્યાત બૌદ્ધ મંદિર છે. ભૂતાનની બે મુખ્ય નદીઓ, પોચુ અને મોચુના સંગમ પર સ્થિત બૌદ્ધ મંદિર અને મઠ, વહીવટી કાર્યો કરવા માટે 1637માં શબદ્રુંગ નગાવાંગ નામગ્યાલ દ્વારા બનાવવામાં આવ્યું હતું. નદી પર પરંપરાગત શૈલીમાં બનેલા ખૂબ જ સુંદર પુલ દ્વારા પ્રવાસીઓ આ બૌદ્ધ મંદિર અને મઠ સુધી પહોંચે છે. પુલ પણ જોવા જેવો છે...

પારો

· પારો પ્રાચીન સમયથી ભૂતાનના બૌદ્ધ ધર્મનું કેન્દ્ર રહ્યું છે. આ પારો ભુતાનના સૌથી પ્રખ્યાત અને આકર્ષક સ્થળોમાંનું એક છે. તે લીલાછમ જંગલો અને ટેકરીઓ જે લોકોને ખૂબ જ પસંદ છે. પ્રાચીન અને ઐતિહાસિક ઈમારતોથી ભરપૂર ભૂતાનમાં જોવા માટે આ એક સુંદર સ્થળ છે, જેના કારણે આ શહેરને ઐતિહાસિક શહેર તરીકે પણ ઓળખવામાં આવે છે.