26/11 હુમલાના ગુનેગાર આતંકવાદી અબ્દુલ રહેમાન મક્કીનું હાર્ટ એટેકથી થયું નિધન

26/11ના મુંબઈ હુમલાના ગુનેગાર અને આતંકવાદી સંગઠન લશ્કર-એ-તૈયબાના નાયબ ચીફ અબ્દુલ રહેમાન મક્કીનું હાર્ટ એટેકના કારણે નિધન થયું છે. મક્કી હાફિઝ સઈદનો સંબંધી અને સંગઠનના ટેરર ​​ફંડિંગનો વડા હતો. તેને અમેરિકા અને સંયુક્ત રાષ્ટ્ર દ્વારા વૈશ્વિક આતંકવાદી જાહેર કરવામાં આવ્યો હતો.

મક્કી વૈશ્વિક આતંકવાદીની યાદીમાં સામેલ હતો. સંયુક્ત રાષ્ટ્ર સુરક્ષા પરિષદ (UNSC) એ મક્કીને 1267 ISIL (Da'esh) અને અલ-કાયદા પ્રતિબંધ સમિતિ હેઠળ સૂચિબદ્ધ કર્યા હતા. આ કારણે તેની મિલકતો સ્થગિત કરવામાં આવી હતી, સાથે જ મુસાફરી પર પ્રતિબંધ અને હથિયાર રાખવા પર પ્રતિબંધ લગાવવામાં આવ્યો હતો.

અબ્દુલ રહેમાન મક્કીએ લશ્કર-એ-તૈયબાની રાજકીય પાંખનું નેતૃત્વ કર્યું હતું. આ સિવાય તે જમાત-ઉદ-દાવાનો વડા પણ હતો. તેઓ લશ્કરના વિદેશી સંબંધો વિભાગના વડા પણ હતા. ભારતમાં મોટા આતંકવાદી હુમલાઓમાં અબ્દુલ રહેમાન મક્કીની સીધી ભૂમિકા હોવાનું માનવામાં આવતું હતું.