ફિલિપાઈન્સનાં મિડાના ખાતે 7.4 ની તીવ્રતાનો આવ્યો ભૂકંપ

ફિલિપાઈન્સના મિંડાનાઓમાં શનિવારે 2 ડિસેમ્બર 7.4ની તીવ્રતાનો ભૂકંપ આવ્યો હતો. જેના કારણે સુનામીની ચેતવણી જારી કરવામાં આવી છે. નેશનલ સેન્ટર ફોર સિસ્મોલોજી અનુસાર આ ભૂકંપ રાત્રે 8:07 કલાકે આવ્યો હતો. તેનું કેન્દ્ર જમીનમાં 50 કિલોમીટરની ઊંડાઈ પર હતું.

સુત્રો દ્વારા મળતી માહિતી મુજબ યુરોપિયન-મેડિટેરેનિયન સિસ્મોલોજીકલ સેન્ટર (EMSC)એ આ ભૂકંપની તીવ્રતા 7.5 અને તેનું કેન્દ્રબિંદુ 63 કિલોમીટરની ઉંડાઈ પર હોવાનું જણાવ્યું છે. રિપોર્ટ અનુસાર અમેરિકન સુનામી વોર્નિંગ સિસ્ટમે ભૂકંપ બાદ સુનામીની ચેતવણી જારી કરી હતી.