ઈરાનની જાણીતી અભિનેત્રીએ પોતાનો હિજાબ ઉતારીને ઈન્સ્ટા પર પોસ્ટ કર્યો, બીજા દિવસે પોલીસે તેની કરી ધરપકડ.!

ઈરાનની પોલીસે અહીં જાણીતી અભિનેત્રી હેંગમેહ ગજિયાનીની ધરપકડ કરી છે. 52 વર્ષીય ફિલ્મ અભિનેત્રી પર આરોપ છે કે તેણે પોતાનો હિજાબ ઉતારતો વીડિયો બનાવ્યો અને તેને ઈન્સ્ટાગ્રામ પર પોસ્ટ કર્યો. મીડિયા રિપોર્ટ્સ અનુસાર અભિનેત્રીએ દેશમાં ચાલી રહેલા વિરોધ પ્રદર્શનના સમર્થનમાં આવું કર્યું હતું. વીડિયો વાયરલ થયા બાદ અભિનેત્રીની ધરપકડ કરવામાં આવી હતી.

View this post on Instagram

A post shared by Hengameh Ghaziani (@hengamehghaziani)

શનિવારની મોડી રાત્રે અભિનેત્રીએ પોસ્ટમાં લખ્યું કે 'આ ક્ષણથી, મારી સાથે જે પણ થાય છે તેના માટે ઈરાનની સરકાર જવાબદાર છે, જાણો કે હંમેશની જેમ, હું મારા અંતિમ શ્વાસ સુધી ઈરાની લોકો સાથે છું. વીડિયોમાં સ્પષ્ટપણે જોઈ શકાય છે કે ગજિયાની હિજાબ વગર જાહેર સ્થળે ઉભી છે અને પછી તે પોતાના વાળ બાંધતી જોવા મળી રહી છે. ગયા અઠવાડિયે ગજિયાનીએ એક પોસ્ટ પણ પોસ્ટ કરી હતી જેમાં તેણે લખ્યું હતું કે ઈરાન સરકાર બાળ-હત્યારો છે જેણે 50 થી વધુ બાળકોની હત્યા કરી છે.