અમેરિકા : લોસ એન્જલસ નજીક જંગલમાં લાગી ભયાનક આગ, 5 ના મોત

અમેરિકાના કેલિફોર્નિયા રાજ્યમાં લોસ એન્જલસ નજીક લાગેલી જંગલની આગ હવે ભયાનક સ્વરૂપ ધારણ કરી ચૂકી છે. આ આગમાં અત્યાર સુધીમાં 5 લોકોના મોત થઈ ચુક્યા છે. આ સાથે, અત્યાર સુધીમાં 30 હજાર લોકો તેમના ઘર છોડીને પલાયન કરી ચૂક્યા છે. આ ઉપરાંત હજારો ઇમારતો આ આગની ચપેટમાં આવી ગઈ છે. રિપોર્ટ અનુસાર, આગ પહેલા પેસિફિક પેલિસેડ્સ, ઇટન અને હર્સ્ટના જંગલોમાં લાગી હતી, ત્યારબાદ તે રહેણાંક વિસ્તારોમાં ફેલાવા લાગી. જંગલમાં લાગેલી આગને કારણે પરિસ્થિતિ સતત બગડી રહી છે. આ વિસ્તારમાં ઘણા હોલીવુડ સ્ટાર્સ રહે છે, તેઓ શહેર છોડીને જતા રહ્યા છે. બુધવારે ભારે પવનને કારણે પેસિફિક પેલિસેડ્સ અને લોસ એન્જલસ વિસ્તારોમાં વધુ બે આગ લાગી. લોસ એન્જલસના દરિયાકાંઠાના વિસ્તારમાં જંગલો આખી આગમાં બળતા રહ્યા 

હવામાન નિષ્ણાતોના મતે, શુષ્ક હવામાનમાં ભારે પવન ફૂંકાતા આગ વધુ વિકરાળ બની રહી છે. કેલિફોર્નિયાના ગવર્નર ગેવિન ન્યુસોમે મંગળવારે કટોકટી જાહેર કરી દીધી હતી. સૂત્રોના જણાવ્યા અનુસાર, સાન્ટા મોનિકા અને માલિબુના દરિયાકાંઠાના વિસ્તારોમાં ઘણી ઇમારતો નાશ પામી છે. આગને કારણે પેસિફિક પેલિસેડ્સમાં આશરે 3,000 એકર (1,200 હેક્ટર) જમીનનો નાશ થયો છે.