કોંગોમાં આગ લાગ્યા બાદ નદીમાં બોટ પલટી, 148 લોકોના મોત

ડેમોક્રેટિક રિપબ્લિક ઓફ કોંગોમાં લાકડાની મોટરવાળી હોડીમાં આગ લાગી. આ ઘટના બાદ, કોંગો નદીમાં હોડી પલટી ગઈ, જેમાં 148 લોકો મોત થાય છે.          

ઘટના કેવી રીતે બની?

મીડિયા રિપોર્ટ્સમાં શુક્રવારે સ્થાનિક અધિકારીઓને ટાંકીને કહેવામાં આવ્યું છે કે, મંગળવારે દેશના ઉત્તરપશ્ચિમ ક્ષેત્રમાં કોંગો નદીમાં બોટ પલટી ગઈ ત્યારે મહિલાઓ અને બાળકો સહિત 500 મુસાફરો સવાર હતા. તમને જણાવી દઈએ કે કોંગોમાં બોટ અકસ્માતો સામાન્ય છે. કોંગોના ગામડાઓ વચ્ચે પરિવહનનું મુખ્ય સાધન જૂની લાકડાની હોડીઓ છે અને ઘણીવાર તેમાં માલસામાન ભરેલો હોય છે. આ કારણે, કોંગોમાં ઘણી બોટ અકસ્માતો થાય છે.

સેંકડો લોકો ગુમ

અહેવાલ મુજબ, અધિકારીઓનો અંદાજ છે કે સેંકડો લોકો હજુ પણ ગુમ છે. અગાઉ મૃત્યુઆંક 50 હોવાનું જણાવવામાં આવ્યું હતું. એચબી કોંગોલો નામની બોટ, માટનકુમુ બંદરથી બોલોમ્બા પ્રદેશ તરફ જઈ રહી હતી ત્યારે મ્બાન્ડાકા શહેર નજીક આગ લાગી હતી.

સ્કાય ન્યૂઝના અહેવાલ મુજબ, લગભગ 100 બચી ગયેલા લોકોને સ્થાનિક ટાઉન હોલ ખાતેના કામચલાઉ આશ્રયસ્થાનમાં લઈ જવામાં આવ્યા હતા. જ્યારે દાઝી ગયેલા લોકોને સ્થાનિક હોસ્પિટલોમાં દાખલ કરવામાં આવ્યા છે.

રસોઈ બનાવતી વખતે આગ 

રિવર કમિશનર કોમ્પિટેન્ટ લોયોકોએ એસોસિએટેડ પ્રેસને જણાવ્યું હતું કે આ ઘટના ત્યારે બની જ્યારે એક મહિલા વાસણ પર રસોઈ બનાવી રહી હતી જ્યારે આગ લાગી.