અમેરિકામાં પિતરાઈ ભાઈએ 2 બહેનોને ગોળી મારી, એક યુવતીનું મોત

અમેરિકાના ન્યુજર્સીના વેસ્ટ કાર્ટેરેટમાં રૂઝવેલ્ટ એવન્યુમાં એક પંજાબી યુવકે પિતરાઈ બહેનોને ગોળી મારી હતી. જેમાં એક યુવતીનું મોત થયું હતું જ્યારે બીજી યુવતી ગંભીર રીતે ઘાયલ થઈ હતી. ઘાયલ યુવતીને એરલિફ્ટ કરીને અમેરિકાની હોસ્પિટલમાં દાખલ કરવામાં આવી છે.બંને બહેનો જલંધરના નૂરમહલની રહેવાસી છે જ્યારે હુમલાખોર નાકોદરના હુસૈનપુર ગામનો રહેવાસી છે.

ઘટના બાદ અમેરિકન પોલીસ ઘટના સ્થળે પહોંચી હતી. લગભગ 6 કલાક બાદ પોલીસે આરોપી હુમલાખોર ગૌરવ ગિલની ધરપકડ કરી હતી.તેની સામે હત્યા, હત્યાનો પ્રયાસ અને ગેરકાયદેસર હથિયાર રાખવાનો કેસ નોંધવામાં આવ્યો છે. આ ઘટના બુધવારે સવારે બની હતી પરંતુ જલંધરમાં પરિવારજનોને શુક્રવારે તેની જાણકારી મળી હતી.અમેરિકન પોલીસની તપાસ મુજબ આરોપી ગૌરવ ગિલ અને 20 વર્ષની યુવતી એકબીજાને ઓળખતા હતા. બંનેએ સાથે મળીને TOEFL (લેંગ્વેજ એલિજિબિલિટી ટેસ્ટ)નો અભ્યાસ કર્યો હતો. આ પછી ગૌરવ સ્ટડી વિઝા પર અમેરિકા ગયો હતો.