બ્રિટનના લીડ્સ શહેરમાં રમખાણ જાણો શું બની ઘટના

બ્રિટનના  લીડ્સ શહેરમાં ગત રાતે જોરદાર રમખાણો થયા હતા. મોટી સંખ્યામાં લોકો શહેરની વચ્ચોવચ એકત્રિત થઈ ગયા અને ભારે તોફાન મચાવ્યું હતું.

લોકોએ આ દરમિયાન બસને આગ ચાંપી દીધી હતી. સાથે પોલીસની ગાડીઓને પણ નિશાન બનાવીને તોડફોડ મચાવાઈ હતી.

 આ રમખાણોનું કારણ સ્થાનિક ચાઈલ્ડ કેર એજન્સી છે જે બાળકોને તેમના માતા-પિતાથી અલગ કરી ચાઈલ્ડ કેર હોમમાં રાખવા માગતી હતી.

 તેના જ વિરોધમાં લોકો માર્ગો પર ઊતરી આવ્યા હતા. હિંસા કરનારાઓ સાથે તેમના બાળકો પણ ત્યાં જ હાજર હતા.

 એકાએક ભીડ ઉગ્ર બની હતી અને આગચંપી અને તોડફોડ જેવી ઘટનાઓને અંજામ અપાયો હતો. જોકે અત્યાર સુધી આ હુમલામાં કોઈના ઘાયલ કે મોતના અહેવાલ સામે આવ્યા નથી.