બાંગ્લાદેશમાં ભડકેલી હિંસામાં 32થી વધુ લોકોના મોત, અનેક લોકો ઘાયલ

પાડોશી દેશ બાંગ્લાદેશમાંથી ફરી એક વાર હિંસાના સમાચાર સામે આવી રહ્યા છે. મીડિયા રિપોર્ટ્સ અનુસાર, રવિવારે બાંગ્લાદેશમાં ભડકેલી હિંસામાં 32થી વધારે લોકોના મોત થઈ ગયા અને અનેક લોકો ઘાયલ થઈ ગયા. અહીં વિદ્યાર્થી પ્રદર્શનકારી પોલીસ અને સત્તાધારી પાર્ટીના કાર્યાકર્તાઓ વચ્ચે અથડામણ થઈ હતી.

પ્રધાનમંત્રી શેખ હસીનાના રાજીનામાની માગ કરી રહેલા હજારો પ્રદર્શનકારીઓને ખદેડવા માટે પોલીસે ટિયર ગેસ છોડ્યા અને ગ્રેનેડનો ઉપયોગ કર્યો. સરકારે રવિવારે સાંજના 6 વાગ્યાથી અનિશ્ચિતકાલિન રાષ્ટ્રવ્યાપી કર્ફ્યૂની જાહેરાત કરી, ગત મહિને શરુ થયેલા વિરોધ પ્રદર્શન દરમ્યાન પહેલી વાર સરકારે આ પગલા ઉઠાવ્યા છે.

બાંગ્લાદેશમાં છાત્ર સરકારી નોકરીઓ માટે કોટા સિસ્ટમ ખતમ કરવાની માગને લઈને એક મહિનાથી વધારે સમયથી વિરોધ પ્રદર્શન કરી રહ્યા છે. છાત્રોના આ આંદોલનમાં પહેલા પણ હિંસા ભડકી ચુકી છે અને અત્યાર સુધીમાં દેશભરમાં કમસે કમ 200 લોકોના મોત થઈ ચુક્યા છે. વિરોધ પ્રદર્શનોનું કેન્દ્ર રાજધાની ઢાકા રહ્યું છે.