PM મોદી પ્રથમ વખત નાઇજિરિયા પહોંચ્યા, ભવ્ય સ્વાગત કરાયુ

વડાપ્રધાન નરેન્દ્ર મોદી નાઈજીરિયા પહોંચી ગયા છે. રાષ્ટ્રપતિ અહેમદ ટીનુબુના આમંત્રણ પર તેઓ પ્રથમ વખત આફ્રિકન દેશ પહોંચ્યા છે. 17 વર્ષમાં ભારતીય વડાપ્રધાનની નાઈજીરિયાની આ પ્રથમ મુલાકાત છે.પીએમ મોદી આજે રાષ્ટ્રપતિ ટીનુબુને મળશે. તેમની વચ્ચે ભારત-નાઈજીરીયા દ્વિપક્ષીય સંબંધોને વધુ મજબૂત કરવા પર ચર્ચા થશે.

આ પછી મોદી રાજધાની અબુજામાં ભારતીય સમુદાયના લોકોને પણ સંબોધિત કરશે.નાઈજીરિયામાં 150થી વધુ ભારતીય કંપનીઓ છે, જેનું ટર્નઓવર રૂ. 2 લાખ કરોડથી વધુ છે.તેલ અને ગેસના વિશાળ ભંડારને કારણે નાઇજીરિયા આફ્રિકાના મહત્વપૂર્ણ દેશોમાંનો એક છે. આ દેશ ભારતની ઉર્જા જરૂરિયાતો પૂરી કરે છે. આફ્રિકામાં ભારતીય રોકાણ સતત વધી રહ્યું છે, ખાસ કરીને ઉર્જા, ખાણકામ, ફાર્માસ્યુટિકલ્સ અને ઇન્ફોર્મેશન ટેકનોલોજી જેવા ક્ષેત્રોમાં