પૉપ ફ્રાન્સિસનું નિવેદન, ઇન્ડોનેશીયાના દરેક ઘરોમાં 3થી 5 બાળકોએ દરેક દેશ માટે ઉદાહરણ

ઈન્ડોનેશિયાની મુલાકાતે આવેલા પોપ ફ્રાન્સિસે કહ્યું કે અહીંના દરેક ઘરમાં 3 થી 5 બાળકો છે. દરેક દેશ માટે આ ઉદાહરણ છે. ખાસ કરીને એવા લોકો માટે કે જેઓ કૂતરા અને બિલાડીઓને પાળવાનું વધુ સારું માને છે.

ઈન્ડોનેશિયાએ આ પરંપરા જાળવી રાખવી જોઈએ.પોપના આ નિવેદન પર ઈન્ડોનેશિયાના રાષ્ટ્રપતિ જોકો વિડોડો હસી પડ્યા હતા. આ પહેલા મે મહિનામાં પણ ઈટાલીની રાજધાની રોમમાં એક કોન્ફરન્સ દરમિયાન પોપે કહ્યું હતું કે આજકાલ ઘરો ઉદાસીભર્યા બની રહ્યા છે. આ એટલા માટે છે કારણ કે તેઓ સામાનોથી ભરેલા છે પરંતુ અહીં કોઈ હસતા-રમતા બાળકો નથી. જો કે, આ ઘરોમાં નાના કૂતરા અને બિલાડીઓની કોઈ કમી નથી.

અગાઉ 2022માં પણ પોપે બાળકોની જગ્યાએ પાલતુ પ્રાણીઓને પ્રાધાન્ય આપતા લોકો પર નારાજગી વ્યક્ત કરી હતી.