US Presidential Elections : 6 દિવસ... 42 ચૂંટણી પ્રચારમાં ભાગ લીધો, વિવેક રામાસ્વામીએ જણાવ્યું તેમની ઊર્જાનું રહસ્ય..!

ભારતીય મૂળના રાષ્ટ્રપતિ પદના દાવેદાર વિવેક રામાસ્વામીએ અમેરિકામાં નવો રેકોર્ડ બનાવ્યો છે. વિવેક રામાસ્વામીએ 6 દિવસમાં 40 થી વધુ ચૂંટણી પ્રચારમાં ભાગ લીધો છે. જે પ્રમુખપદના અન્ય ઉમેદવારો કરતાં વધુ છે.

ન્યૂઝ એજન્સી એએનઆઈએ યુએસએ ટુડેને ટાંકીને કહ્યું કે રાષ્ટ્રપતિ પદના ઉમેદવાર વિવેક રામાસ્વામીએ એક સપ્તાહમાં 42 ચૂંટણી પ્રચારમાં ભાગ લીધો છે.

વિવેક રામાસ્વામીએ તેમની કાર્યશૈલી વિશે જણાવ્યું કે તેઓ આયોવાના લોકોની ઉર્જાથી પ્રેરિત છે. રામાસ્વામીએ કહ્યું કે આગામી સપ્તાહ સુધી તેમનું શેડ્યૂલ ખૂબ જ વ્યસ્ત રહેવાનું છે, પરંતુ તેઓ તેમનું અભિયાન ચાલુ રાખશે અને 38 કાર્યક્રમોમાં ભાગ લેશે. "હું માનું છું કે અમે જે લોકોનું પ્રતિનિધિત્વ કરી રહ્યા છીએ તે લોકો પ્રત્યે જવાબદાર બનવા માટે, ચૂંટાવાની આ યોગ્ય રીત હશે," તેમણે કહ્યું કે તે આ બધું તેના માતા-પિતા પાસેથી શીખ્યો છે.