કેન્દ્ર સરકારની લઘુમતી છોકરીઓ માટે રૂપિયા 51000નાં શાદી સગુનની જાહેરાત

દેશમાં મુસ્લિમ છોકરીઓ માટે ઉચ્ચ શિક્ષાના હેતુથી પ્રોત્સાહિત કરવા માટે કેન્દ્રની મોદી સરકાર લઘુમતી છોકરીઓ માટે રૂપિયા 51,000 શાદી સગુન આપશે. આ લાભ મેળવવા માટે મુસ્લિમ છોકરીઓએ સ્નાતક સુધીનો અભ્યાસ પૂર્ણ કરવો પડશે.

કેન્દ્રીય લઘુમતી કાર્ય મંત્રાલયની ગૌણ સંસ્થા ‘મૌલાના આઝાદ એજ્યુકેશન ફાઉન્ડેશન (MAEF)એ મુસ્લિમ છોકરીઓની મદદ કરવા માટે આ પગલુ ઉઠાવ્યુ છે.

એમએઇએફના જણાવ્યા મુજબ આ યોજનાનો હેતુ માત્ર મુસ્લિમ છોકરીઓ અને વાલીને પ્રોત્સાહિત કરવાનો છે. છોકરીઓ વિશ્વવિદ્યાલય કે કોલેજ કક્ષા સુધીનો અભ્યાસ પૂર્ણ કરી શકે. હાલ આ યોજનાનું નામ ‘શાદી સગુન’ આપવામાં આવ્યુ છે.