![ગાંધીધામમાં ઓઇલ ચોરીના કૌભાંડને CID દ્વારા પકડી પડાયો](https://img-cdn.thepublive.com/fit-in/640x430/filters:format(webp)/connect-gujarat/media/post_banners/wp-content/uploads/2019/03/Oil-tenkar.jpg)
આજ રોજ ગાંધીધામમાં CID ની ટીમે ઓઇલ ચોરીના કૌભાંડમાં 13 જેટલા આરોપીઓની ધરપકડ કરી લેવામાં આવી હતી, આ આરોપીઓ 2 કરોડના મુદ્દા માલ સાથે CID દ્વારા ઝડપી પાડવામાં આવ્યા હતા. CIDની ટીમ દ્વારા કુલ 7.50 લાખ જેટલી રોકડ રકમ પણ કબજે કરી લેવામાં આવી હતી. કુલ 6 જેટલા ટેન્કર, ઓઇલ ડ્રમ અને ચોરીના સાધનો પણ જપ્ત કરી લેવામાં આવ્યા હતા.
ધરપકડ કરાયેલા કુલ 13 આરોપીઓમાંથી 6 આરોપીઓને મુખ્ય સુત્રધાર હોવાનું જાણવા મળ્યું છે, હજુ પણ માસ્ટર માઇન્ડ ભરત આહીર CID ની પહોંચ થી ફરાર છે.
રિપોર્ટ મુજબ ટેંકરોને ગાંધીધામની ખુલ્લી જગ્યામાં લાવવામાં આવતી હતી, ત્યાર બાદ આ ટેંકરોમાંથી ડબ્બાઓમાં ઓઇલ ઠાલવવામાં આવતું હતું. આ રીતે ચોરીની ઘટનાને અંજામ આપવામાં આવતો હતો. દિવસ દરમિયાન 40 થી 50 ટેંન્કરો ભરીને ઓઇલ લઈ જવામાં આવતું હતું. જાણવા મળ્યું હતું કે આ આરોપીઓ ગાંધીધામ, કંડલા અને અંજારમાં આવેલી ઓઇલ કંપનીઓમાંથી ઓઇલ ની ચોરી કરી નીકળતા હતા.
આ ઓઇલ ચોરીનો સિલસિલો ઘણા લાંબા સમયથી ચાલતો હોવાનું માલૂમ પડ્યું છે, આ ઘટનામાં જેતે કંપનીના માલિકોની પણ મિલી ભગત હોવાની આશંકાઓ પણ વર્તાઇ રહી છે.