તાઇવાનમાં 6.4નો ભૂકંપ, ચાર મકાન ધરાશાયી, બેનાં મોત, 114 ઘાયલ

તાઇવાનમાં 6.4ની તિવ્રતાનો ભૂકંપ આવ્યો , જેમાં બે હોટેલ અને બે મકાન ધરાશાઇ થઇ ગયા હતા. ભૂકંપમાં બેના મોત થયા હતા અને 114 ઘાયલ થયા હતા. જયારે 28નો બચાવ કરાયો હતો.

માર્શલ હોટેલ તાઇપેઇના હોલિયનમાં આવેલી છે. અહીં મંગળવાર મોડી રાત્રે આવેલા ભૂકંપ પછી કાટમાળમાં 50 થી વધુ લોકો ફસાઇ ગયા હોવાની પણ જાણકારી મળી હતી.

તાઇપેઇ ફાયર સેફ્ટી વિભાગે જણાવ્યું હતું કે, અહીં બીજી પણ એક હોટેલને ભારે નુકસાન પહોંચ્યું છે, જેમાં કેટલાક લોકો ફસાઇ ગયા છે. તાઇવાન હવામાન વિભાગના જણાવ્યાનુસાર, તાઇપેઇમાં રાત્રે 11:50 વાગ્યે ભૂકંપ આવ્યો હતો. આ ભૂકંપનું કેન્દ્રબિંદુ તાઇપેઇની ઉત્તર પૂર્વે આશરે 21 કિલોમીટ દૂર હુલિયનમાં આવેલું છે.