પીએમ નરેન્દ્ર મોદી ફિલ્મમાં વોઇસ ઓવર થી બેટી બચાવો, બેટી પઢાવોનો સંદેશ આપશે

બેટી બચાવો, બેટી પઢાવો કેમ્પઈન પર આધારિત ફિલ્મ એબીસી માટે પીએમ નરેન્દ્ર મોદી ખુદ વોઈસ ઓવર કરશે. ફિલ્મમાં મ્યૂઝિક આપવાનું કામ મહારાષ્ટ્રનાં સીએમ દેવેન્દ્ર ફડણવીસની પત્ની અમૃતા ફડણવીસ કરશે. આ ઉપરાંત ફિલ્મમાં ચિરંજીવી, સુનિલ શેટ્ટી, શ્રી શ્રી રવિશંકર, કિરણ બેદી અને અમિતાભ બચ્ચન જેવા સિતારાઓ પણ મહેમાન કલાકાર તરીકે નજર આવશે.

આ ફિલ્મ એન્ટી કરપ્શન અને ક્રાઈમ કન્ટ્રોલ કમિટી તથા ગ્રેવિટી ગૃપ મળીને બનાવી રહ્યું છે. 2 કલાક લાંબી આ ફિલ્મને આવતા વર્ષે જાન્યુઆરીમાં થનારા જર્મન અને ફ્રેન્ચ ફિલ્મ ફેસ્ટિવલમાં બતાવવામાં આવશે. આ ફિલ્મનું નિર્દેશન રાજકુમાર શેંડગે કરશે. આ ફિલ્મ કુલ 14 ભાષાઓમાં ડબ કરવામાં આવશે. જ્યારે આ ફિલ્મને દેશની તમામ સ્કૂલોમાં બતાવવામાં આવશે તેમ જાણવા મળ્યુ છે.

બાળ કલાકાર સની પવાર, જેમણે ઓસ્કાર નોમિનેશન ફિલ્મ સિંહ માટે કામ કર્યું હતું, તે તમન્ના ભાટિયા સાથે કામ કરશે.