ભાજપ પ્રદેશ પ્રમુખે પણ વગાડી થાળી અને ઉડાવ્યા તીડ, જાણો ક્યાં?

બનાસકાંઠા ઉપરાંત પાટણ,મહેસાણા,સાબરકાંઠા જિલ્લો તીડોના આક્રમણથી પ્રભાવિત થયાં છે.તીડોએ કેટલાંય હેક્ટર જમીનમાં એરંડા,જીરૂ,કપાસ,ઘઉં,રાયડાના પાકને નુકશાન પહોંચાડયું છે જેથી ખેડૂતોની હાલત દયનીય બની છે. આ પરિસ્થિતીમાં ખેડૂતોની સહાનુભૂતિ મેળવવાના બહાને ભાજપ-કોંગ્રેસમાં રાજકારણ શરૂ થયું છે.

ભાજપ પ્રદેશ પ્રમુખ

જીતુ વાઘાણીએ તીડ પ્રભાવિત થરાદ તાલુકાના તખુવા,ભરડાસર અને રાણેશરી

ગામની મુલાકાત લીધી હતી. એટલું જ નહીં, ખેતરમાં જઇને તીડ

ભગાડવા થાળી વગાડીને ખેડૂતોના સાથી હોવાનો પુરાવો આપ્યો હતો. જો કે વાઘાણીનો આ

રાજકીય ડ્રામા ચર્ચાનો વિષય બન્યો છે કે, જંતુનાશક દવા થકી

તીડોનો નાશ કરવાના હોય ત્યાં રાજકારણીઓની થાળી વગાડવાથી ખેડૂતોને શો ફાયદો થવાનો

છે.

આ  ઉપરાંત ધાનેરાના ધારાસભ્ય નાથાભાઇ પટેલે પણ ખેતરમાં

જઇને તેલનો ડબ્બો ખખડાવીને ફોટા પડાવ્યા હતાં.