રાજકોટ : જુઓ કેવી રીતે ગુજરાતી સેલેબ્સે કરી રક્ષાબંધનની ઉજવણી

આજે શ્રાવણ સુદ પૂર્ણિમા એટલે રક્ષાબંધન, ત્યારે આ ઉજવણીમાં સેલિબ્રિટી પણ પાછળ રહ્યા નથી, ત્યારે આજે રક્ષાબંધનના પવિત્ર તહેવારની સૌ કોઈ ઉજવણી કરી રહ્યું છે. ભારતીય ક્રિકેટ ટીમના ખેલાડી રવિન્દ્ર જાડેજાની પત્ની રિવાબા જાડેજા પોતાના ભાઈ શત્રુઘ્ન સોલંકીને હાથે રાખડી બાંધી રક્ષાબંધનની ઉજવણી કરી હતી.

કૌરવો અને પાંડવોના વખતથી રક્ષાબંધનનો પવિત્ર તહેવાર ઉજવાતો આવ્યો છે, ત્યારે રાજકોટમાં વર્ષોથી રહેતા એવા જાણીતા ભજનીક હેમંત ચૌહાણે પોતાના પરિવાર સાથે રક્ષાબંધનના પવિત્ર તહેવારની ઉજવણી કરી હતી. ઉપરાંત મૂળ ગોંડલના તેમજ વર્ષોથી રાજકોટ રહેતા એવા સાઈરામ દવેએ પણ પોતાના પરિવાર સાથે રક્ષાબંધનના પવિત્ર તહેવારની ઉજવણી કરી હતી. સાઈરામ દવેનું નામ લોક સાહિત્યકાર અને હાસ્યકાર તરીકે જાણીતું છે, ત્યારે રાજકોટ સહિત સમગ્ર ભારતભરમાં ભાઈ-બહેનના પવિત્ર અને પ્રેમભર્યા તહેવાર રક્ષાબંધનની વિશેષ ઉજવણી કરવામાં આવી હતી.