મહિલા વિશ્વકપમાં ભારત અને ઇંગ્લેન્ડ વચ્ચે ફાઇનલ

11માં મહિલા ક્રિકેટ વિશ્વ કપની તારીખ 23મી રવિવારના રોજ ફાઇનલ છે અને ભારત બીજી વખત આ વિશ્વ કપની ફાઇનલમાં પહોંચ્યું છે. ભારતીય મહિલા ક્રિકેટ ટીમની નજર ઈંગ્લેન્ડ સામે વિશ્વકપ ફાઇનલ જીતી પહેલી વાર વર્લ્ડ ચેમ્પિયન બનવા પર રહેશે. આ મુકાબલો ક્રિકેટના મક્કા ગણાતા લોર્ડ્સમમાં બપોરે 3 વાગે શરૂ થશે.

મિતાલીના કેપ્ટ્નશિપ હેઠળ આ ટીમ જો વર્લ્ડકપ જીતવામાં સફળ થશે, તો ભારત ઓસ્ટ્રેલિયા બાદ બીજો એવો દેશ બની જશે જેણે ( મહિલા અને પુરુષ ) બન્ને ટીમોએ 50 ઓવરનો ક્રિકેટ વર્લ્ડકપ પોતાના નામે કર્યો હોય.

આ મેદાનમાં 1983માં ભારતની પુરુષ ટીમે વેસ્ટઈન્ડિઝને હરાવીને વર્લ્ડ ચેમ્પિયન બન્યું હતું , કપિલદેવે 1983માં અને ધોનીએ 2011માં વર્લ્ડ કપ ચેમ્પિયન બનાવ્યા હતા.

ભારતીય ટીમનો આ નવમો વિશ્વકપ છે. ભારતની ટીમે શરૂઆતમાં વિશ્વકપ 1973 અને 1988માં ભાગ લીધો ન હતો, જયારે 2005માં ભારતીય ટીમ ફાઇનલ સુધી પહોંચી હતી, પંરતુ હજુ સુધી ખિતાબ પર કબ્જો કરી શકી નથી.