મુરલીધરન બનશે ઓસ્ટ્રેલિયન ટીમના બોલિંગ સલાહકાર

શ્રીલંકાના દિગ્ગજ સ્પિનર મુથૈયા મુરલીધરન ઓસ્ટ્રેલિયા ક્રિકેટ ટીમના બોલિંગ સલાહકાર બનશે. ઓસ્ટ્રેલિયન ક્રિકેટ ટીમના કેપ્ટન સ્ટીવન સ્મિથે આ વાતને સમર્થન આપ્યું હતું.

મુરલીધરન ઓસ્ટ્રેલિયન ટીમ માટે કામ કરનાર બીજા શ્રીલંકન ક્રિકેટર બનશે. આ અગાઉ થિલાન સમારાવીરાએ ઓસ્ટ્રેલિયન ટીમ સાથે કામ કર્યું છે.

ઓસ્ટ્રેલિયાની ટીમ શ્રીલંકાના પ્રવાસે આવવાની છે ત્યારે ઓસ્ટ્રેલિયન સ્પિનરો માટે મુરલીધરનની સલાહ ખૂબ જ મહત્વની સાબિત થઇ શકે છે.

ઉલ્લેખનીય છે કે આ અગાઉ પણ મુરલીએ 2014માં સંયુક્ત આરબ અમિરાતમાં પાકિસ્તાન વિરુદ્ધની મેચમાં ટીમ સાથે કામ કર્યું હતું. તેથી, ઓસ્ટ્રેલિયાના સ્પિનર નેથન લોયન અને સ્ટિવન ઓ કીફ પહેલાં પણ મુરલી સાથે કામ કરી ચૂક્યા છે.