ટંકારાના સાવડી ગામે વૃદ્ધની થયેલી હત્યાનો ભેદ ઉકેલી પોલીસે એક આરોપીની ધરપકડ કરી છે જયારે અન્ય એકને પકડવા કવાયત ચાલી રહી છે.

ટંકારા તાલુકાના સાવડી ગામે રહેતા ઘેલા ચૌહાણ નામના વૃધ્ધનો મૃતદેહ તેમની વાડીએથી મળ્યો હતો. પોલીસની પ્રાથમિક તપાસમાં તેમની ગળુ દબાવી હત્યા કરાઇ હોવાનું બહાર આવ્યું હતું. તેમની હત્યા બાદ હત્યારાઓએ લુંટ પણ ચલાવી હતી. મોરબીના એસપી કરનરાજ વધેલાની સૂચનાથી એલસીબી,એસઓજી અને ટંકારા પોલીસની ચારથી પાંચ ટીમો કામે લગાડી હતી. સાવડી ગામે વાડીમાં ખેત મજૂરી કરનાર મૂળ મધ્યપ્રદેશના વતની ભુદરભાઈ નારસિંગભાઈ તડવીએ હત્યા કરી હોવાનું તપાસમાં ખુલ્યું હતું.તેમજ આ હત્યાના બનાવમાં એક સગીરાની સંડોવણી ખુલી હતી.આરોપીએ પોલીસને જણાવ્યું હતું કે, મૃતક વૃદ્ધ મોટાભાગે વાડીએ જ રહેતા હતા અને બનાવની રાત્રે મૃતક અને આરોપી તથા સગીર સાથે દારૂ પીવા બેઠા હતા અને દારૂ પીધા બાદ કોઈ બાબતે ઝઘડો થતા ત્રણેય એકબીજા પર હાથપાઈ ઉપર ઉતરી આવ્યા હતાં. તેેણે અને સગીરે સાથે મળી વૃદ્ધ ઘેલાભાઈનું ગળું દબાવીને હત્યા કરી નાખી હતી. આરોપીએ મૃતકનો દાટી દીધેલો મોબાઈલ પણ પોલીસે કબ્જે કર્યો હતો. હાલ પોલીસે એક આરોપીની ધરપકડ કરી છે.